الاياصغير السن (مبارك بن عينان)
الاياصغير السن ياغض يادلوع
من العام مقلقني وذلحين مقلقني
معلق حبال الذاكره في عظام الكوع
وزود على الثنتين معهن معلقني
تقل مالك الا في غرامك معي اسبوع
وانا منك قد لي عام والهم مرهقني
تفوع المشاعر فوعة الصقر عقب الجوع
ليا دق هاجوس القصيدة وسارقني
فلا الحرف يصعبلك واذا صعب ياتي طوع
مهامسك يقنعني وصمتك يضايقني
تصيح الحلوف وغير صوتك مهو مسموع
فلاكل صوت(ن) لاسمعته بيسرقني
لانك ضمير الحي والشعر والموضوع
معي في الثلاثه ثابت(ن) ماتفارقني
سراجيف قلبي بابها للهوى مخلوع
علشان لاعانق ضلوعي يعانقني
مواصلك يغنيني وصدك يجر اجموع
على كل ريع(ن)من همومي تهايقني
بهاالحلقه ام الوصل تطرق ثمان ضلوع
وباقي ضلوعي لاطرقها بيطرقني
لك فرع في الدنيا وانا لي معاك فروع
اسابقك في المسفوط واثرك اتسابقني
واذا صرت لاترحم ولاتاوي المفجوع
ترى ذي دون ذيك وذيك ياليت تعتقني
وسلامتكم
