نوطي روس ونرفع رتم هالتيار..لا حزب ياسر ولا احزاب سامية(اعادة قصيدة البحر يزعل )مع تعديل

السلام عليكم ورحمة الله وبركاته

يامعشر بني هلال من باب تحفيز الجمهور واللعيبة

وددت اعادة القصيدة السابقة بعد مباراة العين والاستقلال

مع بعض التعديل والتجديد البسيط للقصيدة كنوع من التحفيز والله من وراء القصد

وبأذن اللي ماتنام عينه اسيا لنا وهمتكم يارجال

البحر يزعل


الله عليهم مابقى شي ما صار...مد و جزر و ريــــــــح هــواوية


البحر يزعل وطبع البحر غدار...زرقة بحر ماهيب الوان مائية


تنبيه عاجل بمرصد الاعصار...البحر هايج و الموجة هـــــلالية


مايبطن الموجات الا وهن كبار ...تغرق شمالة وتغرق جنوبية


مابه جديد بنشــرة الاخبار...روق على لاين و روتانا خليجـــية


حقيقة ماهي شخابيط صغار...والوضع مايحتمل زود المثاليـــة


انت هلالي ماتنشد وش اللي صار...دامك هلالي امورك طبيعية


ضغط الهلالي مايرتفع بمقدار...وسكره بين ثمانين(ن) وميــــــــــه


مقيمن على ماء وعروقك كبار..لوتيبس اوراق عروقك هنا حية


زرعــك على تربـة الطيـــن مابار...تجني ثمارك شـــــوية شــــــوية


جتك العين تزفك بوسط الدار...العاصية ذلت وجاتك طواعية


خذ لك نفس وارتاح يا الجار...اسيــــــــــــــا عليكم صعبــة قويـــة


أما خذيت العز بيمناك لا صار...تبقى محلي وبطولاتك محلية


العالمي بجهدك ماهو بصك اعسار...وقطه و فزعة ونخوة مكتبية


حنا خذيناها لأن الاساس أصرار...مختوم بصدر الهلالي هويه


العين ماتعلى والعابد مولع نار ... ماتعلى و ســـــالم يابعــد حيــه


الكاسر و وسلي وش اللي صار...كســرنا عين اللي معـمـيـه غيــه


مدرب مغمور وشباب صغار...ارفع عقــالك أحتــــرام وتحـيــــة


الله عليهم مابقى شي ما صار... البحر هايج و الموجة هلالية


نوطي روس ونرفع رتم هالتيار...لاحزب ياسر ولا احزاب سامية


قلها صريـحة ضاع الوقت بلأعذار.. ميولك لعيبـة ولا ميولك هلاليــة


يا دوحة العز جيناك بسابق أنذار ...خلف الزعيم اليوم أجابة نهائية


كبير ياجمهور ماتبعد عليك ديار...ياللي بعمرك ما كسبت بهدية