اسلحة فيفي وجيش دينا (مصافحة اولى)
من شروق الشمس الى وقت الغروبي
ومن مغيب الشمس الين الصبح فاق
غنوا مع هيفا وفيديو كليـب روبـي
وانسوا الاقصى وتدميـر العـراق
وش يصير ان مات ميـه فالهبوبـي
باقي اكثر عدهـم عسـرٍ وشـاق
قالها الفنـان انـا قومـي عروبـي
وهزي يا فيفي هلا بردفٍ وسـاق
ايه هـذا حلمنـا مـا هـو كذوبـي
مدرسـة دينـا تقـرب بالـوفـاق
مدرسه منهاجها مـا اتـوب دوبـي
ذي رسالة سامية رغـم المشـاق
ايه ذوبـي ثـم ذوبـي ثـم ذوبـي
يا أمتي بالصـدر واحـلام العنـاق
ذوبـي بالاهـات والليـل الطروبـي
مع شياطين الطرب وأهـل النفـاق
هيضي الشايـب وشبـي بالعزوبـي
وخلي المعـرس يمينـه بالطـلاق
لا حيينا إن ما غـدت هيفـا تنوبـي
عننـا فـي المؤتمـر و الاتفـاق
حرب ليه الحرب؟ مو وقت الحروبـي
اربـط الجنـدي وشـده بالوثـاق
أسلحـة فيفـي تحطـم كـل لوبـي
وجيش دينا لا انتفض حل الفـراق
فكنا هالحين .شفـت كليـب روبـي
يلعن أم الفلـه قمـة فـي الـرواق
واغنيـة (واوا) تطفـي هالهـوبـي
وش تبي ازعجتنـا بامـر العـراق
