اتهقون في حل ينفع مع زوجي

أنا متزوجه صارلي خمس شهور ... للأسف زوجي عمره ما قالي شئ يخصه لدرجه اني أسمع اخباره بالصدفة من عيال أخته اللى اكبرهم بنت عمرها 11 سنه و أصغرهم ولد عمره 4 سنين . اول ما تزوجنا ما كان عنده سيارة و كان ياخذ سيارة زوج أخته اللى اهو شريكه بالشغل النص بالنص . كان دايما يتعمد يتطاول علي عشان يرضي امه بالكلام و مرة طقني كف مو قوي قدام امه و عيال اخته و شفت امه تضحك و لما قلتله هالكلام قالى انتي خذيتي ولدها منها . و امه كانت دايما اتهاوشني و تنكد علي و انا ما أشتكيله الا لما بدت اهي تقول كلام ما صار عمره ما نصفني و يقول هذولي أهلي و الله لو يقطعونج ما اقدر اقولهم شئ حتى السيارة اللى شراها ما صار له شهر بيبعها عشان يعطي فلوسها حق أهله و حتي الديون خلوها تزيد عليه و انا طلباتي قليلة و تقريبا معدومة . أنا لما اقوله طلعني يقول لا و الله ما تمر ربع ساعةالا زوج اخته داق و يقول عشان نطلع ما يتردد أبدا . المشكلة زوج أخته شريكة النص بالنص بجزء من الشغل يعني زوج اخته شغلة واسع ومشارك زوجي بجزء من شغلة بس امخليه يودي عياله العصر ساعتين يوديهم و يرجعهم على مدرسة تدرسهم لان امهم اميه و يدقون عليه عشان يوديهم الطبيب و عشان يطلعهم بعدبالعطل ما بقي الا يسجلهم بأسمه. بس لما نكون بروحنا يقعد يتودد لي عشان اسامحه و ما عنده الجرأة يعاملني معاملة فيها احترام قدام اهله . و في حادثة صج خلته يطيح من عيني انا قتله عشان يطلعني و قال ما عندي فلو قتله لو نلف بالسيارة عادي بدون ما تدفع شئ . المهم دقت بنت اخته علي عشان نروح البحر معاهم و قتلها اسال زوجي طبعا ما تردد و مرونا بالبيت انا قاعدة بالحجرة و كلهم قاعدين بالديوانية بعثت البنت حق امها عشان تقعد معاي اتقول الحين و لا جت اربع مرات و ما جت تقعد معاي صراحة انا مستحيه من زوجها اقعد معاهم بالديوانية . و لما ركبنا كلنا بالسيارة مالت زوجي اتصدقون خلى زوجها يسوق السيارة و ابوه يقعد حنبه و انا و امه و اخته بالمقعد اللى بعدهم و اهو رضي على نفسه يقعد ورانا كلنا بالمقعد الخلفي مع اعيال اخته . و احنا بالطريق زوج اخته نزل و طلب حلو و عشا لنا و لما وصلنا البحر قال حق زوجي ما عليك امر شوف ذاك ابو السيكل جيب منه الطلب و قبل لا نروح البيت قال حق زوجي تاير سيارتك الخلفي يبيله تفخ و انا عشان اواسي زوجي قتله انا راح اقعد معاك بالمقعد الخلفي و اتصدقون اول ما رحت ورا سكر الكرسي و خلاني بروحي مع بنت اخته و اهو قعد مع امه و اخته و مسك ايدي على طول مثل الاعتذار بس من تحت لحت بحزتها عشان محد يشوفه و لما وصلنا البنشر نزل اهو بنفسه و تفخ التاير و نزل زوج اخته اهو واقف و زوجي موطي عند التاير يتفخ .