أول مشاركة لي : زلاتكو وبعض الجماهير اللي صارت ضده

السلام عليكم ورحمة الله وبركاته

بخش طوالي بالموضوع مالي بالمقدمات

أول شي بإذن اللي ماتنام عينه أن راح يتأهل الهلال لدورالثمانية وانا متفائل :ba:

ثاني شي زلاتكو أشوفه مدرب ممتاز وفاهم الهلال بكل شي ومن بعد ماراح جريتس ماشفت جاء مدرب ممتاز الا زلاتكو الان

بس أنا أستغرب من بعض الجماهير اللي كانت تمدح بزلاتكو لما انهزمنا قدام الاتحاد وقدام الخويا قلبوا عليه وتقول مدرب فاشل وجبان
صح أنه أخطأ لما نزل البيشي قدام الاتحاد بالذهاب وقدام الخويا لما أخرج ويسلي والمفروض يلعب بمهاجمين
بس هدا مايعني أنه فاشل وتقولوا مدرب جبان
كيف جبان ويلعب قدام العين بمحور واحد والمشكلة إذا خسرنا راح نطلع وقتها
وايام جريتس كان يلعب بمهاجم واحد وكنا نعطي الأندية بالخمسات
من جد جمهور عاطفي نسيتوا ايش سوا قدام العين والاستقلال والريان وكاس ولي العهد ونافس ع الدوري لأخر جولة
وكنتم تمدحون فيه وتصاميم وتقولوا زلاتكو صنع تيكي تاكا ترعب الخصوم وزلاتكو أستعد هيبة الزعيم بعد بعثرت السفهاء لها :d
وخذلك مدح ولا أحلى :s2:
والله محد يعرفلكم لما يفوز تمدحون ولما يخسر تسبون :ranting:
عشان أخطا مرتين طلع فاشل وجبان
بعض الجمهور ماتعرفه وقت الفوز له راي ووقت الخسارة راي ثاني

والان بالمنتدى أغلبهم يطالبون بسامي الجابر يدرب الهلال خليه يخسر مباراتين بس
متاكد مليون بالميه اللي يطالبون فيه الان بعضهم راح يقلبون ضده
من بعد ماراح جريتس وانا اتمنى سامي يدرب الهلال بس حاليا أتمنى زلاتكو يستمر لانه رجع مستويات الهلال وكل المباريات اللي خسرناها قدم فيها مستوى والهلال كان الافضل
ولاتنسى دفاع الهلال فاشل وماختار الأجانب وأستلم الفريق بنص الموسم
ومع ذلك بصمته واضحة ع الفريق ومستويات متصاعدة بس المشكلة فالدفاع واخطاء فردية زلاتكو ماله ذنب فيها

والله قبل زلاتكو نادر أشوف الهلال يقدم مستوى لاكن الان مع زلاتكو حتى لما نخسر الهلال هو الافضل

وفلأخير أنا عارف أن زلاتكو بيطيرونه بس حبيت أتكلم عن بعض الجماهير اللي بمجرد أنك تخطئ سينسى أنك كنت رائعا يوما ما !!

ما أقول إلا الله يكتب اللي فيه الخير لهلالنا
ولاتنسون دعواتكم للزعيم الملكي أمام الخويا