عطوني رايكم وحلول لهالمواقف
السلام عليكم اشلونكم عساكم بخير
اليوم في موقف حز بخاطري حيل
وقبله كان في موقف
طبعا اشتغل في وحدة من الوزارات
المهم الموقف الاولي يت لي مراجعة وقالت لي بياناتي غلط
وكان بورقتها تعديل بقلم ازرق مو مطبوع وطبعا هالشي مو من صالح العمل لان يعتبر تزوير
قلت حق رئيسة قسمي ان بيانتها غلط ولازم تتعدل
رحت ورديت والا تقول لي رئيسة القسم انتي معدلة بالورقة بالازرق !!!؟
انصدمت لان اشلون تشك فيني !!! هل لاني يديدة ماكو ثقة فيني !!! قلت لها طبعا لا
عقبها ترشحت حق مؤتمر برا الكويت لمدة اسبوع
رديت اليوم سلمت على الموظفات اللي وياي بس قالو لي اشلونج من غير حتى الحمدالله على السلامة
اما رئيسة القسم دشت علينا بعدي سلمت وبس اكتفت انها تقول لي فلانه اشلونج
حتى ما كلفت على نفسها تقول لي اشصار بالمؤتمر !!
والقسم اللي يمنا يعني ييرنا دايما اتردد عليهم بس اكتفو بوعليكم السلام اما اشلونج شخبارج لا
المهم ييو لي من اقسام ثانية سلمو علي وبوسوني والحمدالله على السلامة وتوا ما نور القسم
جدام رئيسة القسم اللي طالعتنا وهي مصدومة !!!
عقبها بوقت الظهر وحدة من اللي معانا بالقسم سافرت العمرة لمدة 3 ايام وطبعا اهي كل شهر تروح العمرة
ومثل ما تعرفون ضايفين بعض بالواتس كقروب
كل اللي بالقروب تحمد لها بالسلامة واهي تستاهل لان فعلا خوش مرا بس الغريب ان قالو لها
مكانج كبير !! فقدناج !!!
والمصيبة ان بس الخميس اللي ما دوامت والا اليمعة والسبت عطلة اسبوعية
يعني شنو مكانج كبير ما ادري وانا اللي اسبوع ما كلفو نفسهم بشي!!!
وطبعا ما ادري شسالفة وليش هالمعاملة !! ما ادري انا شمسوية مع ان طبعي هادي وقليل ما اتكلم وان بغيت اسولف اسولف بالشغل وبس !!!
انتو ايشرايكم بالموقف !؟
