صالون ليلى هارموني الشعب ( تجربة فاشله )

السلام عليكم

بنات انا قبل يومين كتبت موضوع اخذ رايكم فيه عن اي صالون اروح له من بين كل الاختيارات اخترت صالون ليلى هارموني وحبيت افيدكم بتجربتي :

طبعا وانا رايحه كنت حاجزه قبلها بفتره وقايليلي عن موعدي في الساعه الفلانيه وانا قتلهم انا اخت المعرس لازم اربع ونص بالكثير انا طالعه منكم قالوالي تعالي وحدة ونخلصج بسرعه لا تحاتين ، وسالت عن التكلفه مكياج وتسريحه قالولي 150 التوتال .

وصج بنفس اليوم رحت بالوقت اللي قالولي عنه الساعه 1 ولقيت زحمه مو طبيعيه واهمال بالزباين وصرت انا اراكض وراهم حطولي وسووولي مو اهمه اللي ينادون ، انا تعمدت اروح حق صالون كشخه عشان ماتصير هالمواقف لقيت الوضع اهناك اسوء.

المهم المكياج عند ابرار بصراحه مكياجها مو شي وما عجبني وبايخ واللي سوته أقدر أسويه بالبيت معنه قتلها انا اخت المعرس ومكياج سبيشل وريتها صوره مكياج وقتلها ابي نفس رسمه الكحل . ويايه بتشيل حواجبي بالملقط وهذا وانا حافه خالصه قتلها تقدرين تخفين الحواجب بالمكياج والعجينه وطبعا ولا حطلتي
واهي اساسا كانت منفسه و نفسيتها خايسه صرت انا اعلمها سوي جذي وحطي جذي
ويع انا مو يايه عشان اعلمح مو وقته اصلا المهم ويع قمت ورحت اسوي شعري عن لولو طبعا اهي مع كل شخص تسولف وتضيع وقتي وتشتغل فيني بسرعه وحتى التسريحه مو ذاك الزود على ما وصلت البيت تسريحتي طاحت
ويع ويع ويع
المهم رحت بدفع واهني الصدمه الكبرى طلع المبلغ 300 !!! تفاجات وانصدمت ليش على شنو لو عروس م وصلت هالمبلغ وياليت شي يسوا بس ويع اي شي حده
ويع ويع اكس على الصالون انصحكم لا تروحون ولا تغلطون غلطتي وانا للحين ندمانه ليش رحت رحتله .
وبس يعطيكم العافيه