المشاركة الأصلية كتبت بواسطة محمد فراج الدوسري
[poem=font="Simplified Arabic,6,darkblue,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مانيب من تآكل عشاه الذيابه=أنا معشي الذيب لامن عوى ذيب
أنا العقيد بوقت مابه طلابه= واأنا على ماقيل عطب المظاريب
أنهب سمين القوم ماحدٍ درابه=أفك عانيهم بوقت الحرايب
مبطيٍ وأنا وجدي وأبوي المهابه=من أولٍ والحين عون المعازيب
نسكن على متن الهوى والسحابه=الريح نسرجها وعوص ألنجايب
حنا خلقنا هكذا للحرابه=مانستكين إلا ندوّر طلايب
بوقت الرخا تلقا القِّرا و الرحابه=تصفو على جال العدود المشاريب
ندمح خطا زلات بعض القرابه=وهفواتنا تكبر بعين القرايب
نذرٍ علي لافك قيد الرتابه=وكسر شبابيك العذل والعذاريب
ما أتبع الداني وأهل المعابه= لأرقا الرجوم النايفات المراقيب
من أولاٍ وانا خوِي الذيابه=ومعشيٍ الذيب لامن عوى ذيب[/poem]
