رسائل الى بعض لاعبين الهلال والى الاداره والجمهور.....؟

قدر الله وماشاء فعل ، سجل فريق الخويا من هجمه ميته بعد ان استحوذ الهلال على 90 في الميه من احداث مباراة الذهاب ، الخساره بهدف مثل التعادل مثل الخساره بهدفين صدقوني

لان لاعبين الهلال الافضل بكل المقايس. لو يسلمون من بعض الهفوات القاتله لازم التركيز 120 دقيقه في مباراة الاياب وقتل كل هجمه لفريق الخويا وقطع كل تمريره وصد كل تسديده

لاعبين الهلال ارجوكم حتى لو تسجل فيكم هدف او حتى ثلاثه لا للياس لا للاستسلام الركض الى اخر ثانيه التسديد على حارس الخويا من كل الجهات لنحصل على الفوز بأذن لله




رساله الى ياسرالشهراني ،! ارجوك حاول ان تقطع الكره قبل ان تصل الى منطقة الجزاء لاتجهد نفسك في الانطلاق غير اسلوبك اللي اعتقد انهم حفظوه ارفع على راس ياسر والكوري من اماكن مختلفه مثل طريقة البيشي


رساله الى محمدالشلهوب: ارجوك حاول *الابتعاد عن الالتحام والاقتراب لمدافعين الخويا شوت من اي مكان بسرعه لاتنتظر لاتفكر كثيرآ

رساله الى نواف العابد: خلك زي ماانت اسلوبك في الغدر يعجبني اغدر بدفاع الخويا



رساله الى سالم الدوسري؛ الهلال يحتاج في المباراه الجايه الى كمية اهداف ابتعد عن المراوغه غير المفيده!!

رساله الى عبدالله السديري : املنا بعد الله فيك يابطل تابع الكره من حيث تاتيك صدها


رساله الى ماجدالمرشدي: قدمت مستوى جيد في *الذهاب ركز الى اخر ثانيه ياكبتن



رساله الى عبدالله الزوري: كنت في مباراة الذهاب ممتاز لكن احذر من السرحان ركز الى اخر ثانيه واطلب من اوزيا والسديري التركيز اكثر اوزيا يجب ان ينقض على المهاجم بسرعه لاينتظر ويراقب الاعب وين بيسدد!!!




رساله الى ياسرالقحطاني: نعرف حرصك الشديد على الانتصار وانت بأذن لله قائد الانتصار من قطر ان شاءالله حث زملائك على التقدم حتى لو تاخرو في النتيجه لاتياأس لا مجال للعذار ، راحه ارتحتو، اصابات مافيه،غيابات مافيه. انتم الافضل يارجال الزعيم احسموها : اما انتصارآ يسر الصديق او هزيمه تغيض الاعدا


رساله الى جمهور الهلال اللي بيحضر المباراه:

ارجوكم التشجيع بهدوء والتزام الصمت الى اخر ثانيه ولايطلع واحد يتكلم على الاعبين ويحطمهم يعني اللي بيتكلم عليهم الله الغني عن روحته لقطر

رساله الى رئيس الهلال: حبنا لك واعترافنا بجميلك وتعبك وبطولاتك لايعني ان لااحد ينتقدك واتمنا ان الله يوفق الفريق ويتاهل وبعدها نعلم انك احرص شخص على الهلال وقادر بذن لله تدعم الفريق بلاعبين اجانب وجلب لاعبين مواهب في مستوى الهلال





رساله اخيره الى كل جمهور الهلال الطلاب والطالبات: لو سمح الله خسر الهلال لاتجعلون الخساره تؤثر على نفسياتكم اهتمو بمذاكرتكم كل شـِي يتعوض الى مستقبلكم لايتعوض ,,




بالتوفيق لـــزعيــم اسيا بست مرات : ومهما طال غياب السابعه لابد ان تخضع لزعيمها لو بعد سنوات ... افخرو بفريقكم يازعماء وارجوكم حتى لو خرج الفريق الكلام والسب والتجريح لن يفيد بشي!!!