الطير نزرن والحباري قليلة ....وسنعبر بأذن الله من قطر (ومابطي السيل الا من كبره)

السلام عليكم ورحمة الله وبركاته
يامعشر الزعماء العقلاء
لنصمت برهة من الوقت ولنقل فقط (ما يبطي السيل اللا من كبره ) وتذكروا هذه الكلمة تحديدا (من كبره)...
غضبنا في الايام الماضية قليلاً ولكن بدرجة عالية وشديدة على مقياس رختر للزلازل وتحزب البعض للاعبين معينين ومدربين معينين واعضاء ادارة معينين واضحى البعض محللاً والبعض الاخر ناقداً وتعالت الاصوت في الشتائم فيما بيننا وكأن الميول تختلف ..!!!!
وقد اكون منكم ولا ابرء نفسي إن النفس لأمارة بالسوء ..ولكن آن الآوان للتكاتف قلت من قبل واعيد (لا احد يزايد على هلاليتنا) فكلنا محب واللي كان معصب من قبل نلتمس له العذر من باب (أدعي على ولدي ويا ويل اللي يقول أمين) يعني لحظة غضب وزالت والحمد لله الان وقتكم يا جن الملاعب اللي يقدر يحضر قواه الله وبيض الله وجهه واللي ما يقدر يدعي للازرق بالتوفيق (ياكريم ويالله على بابك ويا كريم ولا خاب طلابك) او فيه حركة اسهل!! يصمت و يراقب عن بعد كيف يفتك سمك القرش الازرق بالفريسه بدليل (انك في مباراة الاتحاد الذهاب والاياب كنت الافضل مستوى وأوفر فرص والاسوء نتيجة وكذلك الحال مع الاستقلال على ارضك لعبت افضل مباراة من بداية الموسم لعب الفريق فن ومتعة الكرة اللي انحرمنا منها من زمن ولكن انهزمنا اخر عشر دقايق اما الخويا كنت رائعا جدا ولكن خسرت بخطئ تكتيكي من المدرب الداهيه وعادة الكبار يخطئون )الا يدعى كل ذلك للتفائل يا معشر بني هلال (لايغير الله ما بقوم حتى يغيرو ما بأنفسهم)قد يقول قائل ايوه يعني يغيرو الاجانب نقوله لالالا يالطيب حتى ( تغير انت من نفسيك وتخفف من حدة غضبك وتهدء من سطوة قلمك في النقد وتتفائل) وتقول في نفسك (لست ببعيده يا اسيا ولست بمستعصية ولسة بقوية )(اللهم لا سهل الا ما جعلته سهلا وانت تجعل الحزن إذا شئت سهلا )تفائلو بالخير تجدوه لديك لعيبة يفرقون مع الفريق ولا تضحك على نفسك ولا يعميك الغضب لديك حماس وروح انت يا (عاشق) وليس يامشجع بل انت يا(عاشق)تستطيع ان تبثها في فريقك وتشحن رصيد اللعيبة بطاقة اظافية من الحماس والروح متى ما اردت أن الاكثرية مننا كجماهير داخل الملعب لايمكن ان تقوم له قائمة او يتحرك الا اذا رأى الكرة داخل شباك الخصم والمشكلة انه يغار من مشجعي بعض الفرق ..
يا اخوان كفاية عبث في المنتدى وكفاية زعل وكفاية شحناء وبغضاء وكفاية تشدد (لاتخلونا مضحكة لغيرنا) (لا تخلون المشجعين المنافسين المحليين كلما تضايقوا من فرقهم قال أحدهم لربعة خلونا نخش على منتدى الهلال ونضحك عليهم شوي تراهم طايحين في بعض تجريح وسب واللي يبغى يسلخ الجهاز الاداري كلة واللي يبي رئيسهم يغادر بلا رجعة ترى الدنيا مقلوبة عندهم فوق تحت والمنتدى صاير مسخرة تعال اظحك بس !!!؟ ) طيب لية لأنك كبير القارة طيب كبير القارة ما يجلد نفسة كذا الهدوء مطلوب الان وبقوة قد تكون أخر مباراة في الموسم وقد لالالالالالا تكون بالعزيمة والهمة ورفع معنويات الفريق اللعيبة وقت الراحة يدخلون على المنتدى ويقرؤن زيي وزيك ابدء بمن اسئت الية واشحن طاقتة نعم (كبير يالمرشدي كبير ,, الزوري انت بطل ولا يهمونك ,,,الشلهوب انت القائد والاخ الاكبر للفريق والموجه فلا تبخل وياسر انت القناص وان كنت ناسي افكرك بتسويها صدقني بتسويها ياياسر ,,البيشي خلك جاهز على خط النار لانك بتولعها اذا احتجنا لك ..السديرى ترى اللي قبلك كانو الدعيع والعتيبي عمالقة يعني مكانك مو سهل وانت قدها ,,جستافو ثبت السرعة على مستواك ما نبي ازود وان زدت كثر الله خيرك ,,سلمان ماعتب اللا من محبة نحبك ونبيك تكون افضل واد وبتصير نجم المباراة ,,,اوزيا كل الكبار يخطون ولانك كبير فأنت تخطء عادي وصلح من اخطائك المرة الجاية تراها مباراة مفصلية لك ولنا ,,ياسر الشهراني الله الله بالاوفرات العالية نبيها تكفى يا ياسر نبيها وانت عشرة على عشرة ,,,الحارثي خلك جاهز وتراك انت اللي حسمتها في قطر قبل اسبوعين صلحت هدف وسجلت هدف تذكر يالرابح والا نسيت,,الكوري ركز بشويت تركيز بتجيبها اهم شي الكونترول ,,اما سالم والعابد نقولكم فقر الذيب والا غناته (أما كنت في الصف الامامي امام... ما يهمني لو كنت قبل الاخير)وانتم مفاتح الفوز والله لايغير علينا في محبتكم لأنكم كبار فأنتم تلعبون في نادي كبير وفي بطولة كبيرة لأن مستواكم كبير وطموحكم اكبر وانتم لها انتم لها انتم لها ...اعتذر عن الاطالة ولكن لاني احسست بطعم الفوز قبل البعض يا جماعة الخير مدري ايش فيني اني اتحسس لملامسة كأس اسيا اراه قريبا وقريبا جدا بفضل من الله وكرمه اولاً سيتلاطم البحر بين كوريا واليابان والصين وسنعبر القارة الاسوية بتلاطم البحر وصولا للافرو اسيوية ختاما اقول لمن هو متشائم (الطير نزرن والحباري قلية ..وسنعبر من قطر ...وما يبطي السيل الا من كبرررررررره...تفائلو و بشدة:d:d:d:d:d:ga::d:d:d

ودمتم بود اخوكم العطيف