بنات ابيكم تعقلوني فعلا انا ماستحي

سلام عليكم خواتي
بدش في الموضوع والله يعينكم على الاخطاء لاني اكتب من فوني
بنات انا زوجة تانية زوجي مو مقصر علي شي الا المبيت لانه اهله يدرون عني بس زوجته للحين ماتدري اما باقي الشغلات فكل شي يجيبلي وكل شي يسويلي اجرلي شقة وفرشلي اياها بالكامل بس الله يهديني ماادري شفيني بس لما اشوفه ينام عندها اموت من الغيرة وانسى كل شي يسويلي اياه واصير ناكرة جميل وكله منفسة ومالي خلق رغم اني احبه هو كله يسالني شفيك شفيك انا مو لاقية سبب لزعلي عشان اقوله غيرتي بتدبحني هو يداري زوجته حيل وانا اقوله قولها ترة المرة ماتحب احد يستغفلها قولها واعدل بينا في المبيت يقولي انا اقعد عندك اليوم كله وهي بس نوم والحين مو الوقت المناسب اني اعلمها انا مو جبان بس كل شي بوقته حلو
ماادري مو عاجبني الوضع هو ترى مايقعد عندي اليوم كله بس انه يجيني المغرب ويقعد معاي لساعة وحدة جدي
انا ادري انه غيرتي بتخرب بيتي والله اني طيبة وماازكي نفسي ما احب الادى لاحد بس كارهة الصفة هدي فيني يارب ادعولي يابنات يشيل الله الغيرة من قلبي لانها صفة اكرها وقمت اكره نفسي انا اغير منها لانها هي موضفة وانا لا فمالي حرية مالية حتى مناسبات زوجي مااقدر اهديه وللعلم تراني مو كويتية

وانا كتبت موضوعي هدا لاني ادري انه في بعض الحريم مايقصرون في موضوع الرد على الزوجة التانية بس عادي اخدو راحتكم انا اصلا ابي الكلام الي يخليني اصحصح شوي عقلوني لانه بخرب بيتي بنفسي