☺~▒███◄ أكـبـر حـمـلـة لـبـقـاء بـيـنـات + مـلاحـظـة خـطـيـرة►███▒~☺

[IMG]http://im42.********************************************/nmWR9.png[/IMG]

كلنا شفنا فهد المولد في كل المباريات اللي لعبها مع الاتحاد من ساعة انضمامو للمباراة ألين المباراة اللي قبل دي ..!!

و على أساس دا الشي قلنا أو الأغلب قال :

إنو فهد المولد ما يعرف يرفع كورة ، فهد المولد ما يركّز في التسديد ، فهد المولد ماهو حق كرات ثابتة ..... الخ

هوا حق سرعة بس و إن جات معاه جات و قلنا الحمد لله :$

اليوم شفنا فهد غيييييييييييييييييييير

بصراحة تتوقعو فهد أتغير كدا من حالو ؟؟

هل تتوقعو إنو كان نايم و فجأة صحي و لقى نفسو زي كدا ؟؟

أنا عن نفسي ما أتوقع إلا إذا كان هناك سبب حقيقي اللي هوا المدرب بينات :a

تلاقوه مسك فهد و درّبو ع الشغلات دي ألين ما أتقنها و أعطاها الثقة الكاملة في نفسو لدرجة شفنا اليوم إنو فهد المولد يرفع عرضيات !! ينفذ كرات ثابتة !! و لا ننسى التسديدة الصاروخية اللي بالتأكيد أسرع من تسديدة محمد الشلهوب ×: ما شاء الله تبارك الله :$

تحويل للاعب 180 درجة و أعتقد الكل لاحظ الشي دا و أتوقع أنو هوا نجم المباراة :$


،،،،،

شطحة

كيف المقص حق أسامة المولد :w

،،،،،

في الأخير هدي وجهة نظري و توقعي بخصوص مستوى الفهد الاتحادي :)

و أتمنى استمرار المدرب بينات و مباراة بعد مباراة بنشوف الفريق بتحسن و بتكتيك جميل و الروح الأبوية عند المدرب الخايف على عيالو الصغار :$

و مو لازم نجيب مدرب له هداك الاسم الكبير ..!! الأهم أسلوب و طريقة المدرب و لا ننسى إنو عارف أغلب اللعيبة لأنو درّبهم في الأولمبي

،،،،،

شطحة

أتذكرت منتخب الإمارات الأول ، كانو مع بعض من الناشئين و إن ما خاب ظني المدرب كمل معاهم المشوار :$