البعج وانواعه وطرق علاجه ( نقاش )

اغنام - ابل - دواجن - طيور

البعج وانواعه وطرق علاجه ( نقاش )

السـلأآم عليكم ورحمة الله وبركاته..

صباح الخير جميعاً

امس كنت افرفر على البياطره واستفسر بخصوص البعج

وطرق علاجه وانوآاعه

فقالو لي البعج نوعين..

بعج صغير وبعج كبير

فسئلت كيف كبير وصغير..

فقالي الكبير الي تدخل اليد كامله..

والصغير الي تدخل بعض الاصابع بالتحديد 4

فسئلته وكيف علاج الكبير وكيف علاج الصغير..

فقالي الصغير علاجه بس خياطه عاديه ما تحتاج شي ثاني..

اما الكبير فيحتاج انك تشتري شبكه من شارع الضباب..

ونسوي العمليه.

لأن لو سوينا العمليه فقط خياطه راح يفتح البعج من جديد..!!

وكانك يا أبو زيد ما غزيـة..!!

وقالي المبعوج يجب تجويعه يوم كامل

عشان بطنه يكون فاضي اثناء اجراء العمليه

وما تزعجه القصبان وهو يخيط العمليه ويمكن يجرحها..

هذا ما دار بيني وبين عدة بياطره بالجنادريه في الرياض..

وأخذت أرقام بعض المختصين منهم عشان استفسر اكثر منهم ان احتجت شي بالمراح ..

فخلونا نتناقش بالي قالوه..

وشنو يقصد بالشبكه ..!؟

ووين بشارع الضباب تنباع..!؟

والي جرب يخبرنا ويعطينا تجربته يا شباب..

مع العلم ان الشبكه تم تجربتها من قبل الوآلد عند احدهم قبل سنوات وأثبتت نجاحها..

خصوصاً وان الاغلبيه مار عليهم البعج بحلالهم..

وبعضهم يبيع المبعوج لأنه يعتقد انه ماله علاج..

فيخسره لأنه ما سئل وإستفسر عن العلاج ..

المصدر: منـتـدى أغـــنـام - من قسم: >المنتـــدى الطــبي

hgfu[ ,hk,hui ,'vr ugh[i ( krha )