فكرة جميله لنشاط فعال وهادف :)
[align=center]بعد التحيه ..
كُلفت بان اكون رئيس جماعة النادي العلمي الخاص بالنشاط المدرسي ( ع بالهم ماكلوراين على غفله ) .. المهم وطلبوا مني خطة نشاط ليوم الثلاثاء اللي طاف ..
فكرت كثير في نشاط هادف وفعّال ( بتشديد الفاء اقصد العين ) ... واسترسلت مع بنات افكاري( اش حلاتهم ) :) وبالاخير طلعت لي فكره ممتازه قدن قدن قدن
اسم النشاط : استبيان مدرسي يشمل جميع التلاميذ ( لان عدد طلاب المدرسه قليل مو بواجد )
فكرة النشاط :توزيع المهام لجميع اعضاء النادي العلمي وتوزيعهم على فصول المدرسه ( جميعها او يمكنك اخذ عينه من كل فصل ) لعمل احصائيه علميه عن الحصه المحببه لدى التلاميذ والمعلم المتمكن والمحبوب لدى التلاميذ ..
مدة النشاط :
اسبوع ( ويمكن تطول المدة او تقللها )
قبل بدأ النشاط :
اعطاء فكره شامله لطلاب النادي العلمي عن كيفية حوار زملاءهم التلاميذ واللباقه بالحوار وادارة الحوار وكيفية استنتاج المادة المطلوبه من الحوار باقل وقت ممكن ( مو طقت حنك ) . وتوزيع استمارات الاستبيان لكل عضو بالنادي العلمي .
عند الانتهاء من النشاط وجمع الاستبيانات , اقوم بعمل ورشة عمل مع تلاميذ النادي العلمي بعمل جماعي مشترك نستطيع من خلاله عمل احصائيه دقيقه وواضحه باخذ جميع الاراء وتصنيفها ..
اهداف النشاط :-
المشاركه الجماعيه الفعاله ( كما اسلفت آنفاً ) اخصصصص يا آنفاً
- تحمل المسئوليه وتعلم الحوار والمقابلات الشخصيه .
- رسم الهدف والسعي للحصول عليه .
- الاهتمام بالوقت وحُسن ادرته .
- تعلم الافكار البدائيه للاحصاء والاحتمالات لاخراج نشئه متمكنين ولو بالشئ القليل من هذا العلم .
- كيفية استخدام الاحصاء في الحياة اليوميه وتثمين دور الرياضيات .
بنهاية النشاط تُعلن النتيجه ...
وما عليك الا تروح لاي محل هدايا وتشتري هذيك الهديتين اللي يحبهم قلبك .. ولا تنسى تجيب الفاتوره عشان تعطيها مشرف النشاط العام ...
* تقدم الهديه الاولى لصاحب الحصه الممتعه والمحببه لدى التلاميذ
* تقدم الهديه الثانيه للمعلم المتميز والمتمكن بمادته . ( يمكن تكون الهدايا لشخص واحد )
ينشر الاستبيان بمدخل المدرسه ( ويحمل اسماء من قاموا بالدراسه ولا تنسى اسمك يارئيس الجماعه ) ويرفع تقرير لأدارة النشاط وهي بدورها ترفعه لادارة المدرسه كي تكرم المتميزين ..
وصلى الله وبارك ...
انا عملتها , وطبقتها واليوم كان اول يوم.. والى الان حصة الرياضيات اجمل حصه لتلاميذ الفصول العليا ( وناسه انا اللي اعطي الرياضيات:) ) ...
اتمنى تستفيدوا من الفكره ..
ودمتم بودٍ وعلى ودٍ نبقى ... وكل عامٍ وانتم بخير [/align]
