يرجى الافاده طالبتكم

اشلونكم بنات وشخباركم
لي صديقه عزيزه جدا عليي مطلقه وعندها عيال بس في فتره انحرفت وزنت مع رياييل وكانت بلحظه ضياع لكن الحمدلله تابت واستغفرت وعسى الله يتقبل توبتها
والحين اهي تعرف واحد هم مطلق وعنده عيال اهو بعد مشى بدرب الحرام خو بعد تعرفون الشباب غالبيتهم لازم للاسف يخورونه وهم تاب ويبي يعف نفسه
واهم يحبون بعض وبيتقدم لها
بس اهي ماصارحته بماضيها ولاتبي تصارحه لانها تابت وتدري لو صارحته معناته نهايه علاقتهم واهي مفهمته ان اهي مو راعيه سوالف و عساس يوم اول ماعرفته ما يتمادى معاها والشهاده لله ما تمادى واهي كل يوم تصلي استخاره وتدعي اذا فيه خير ان الله يكتبه من نصيبها واذا شر يبعده ولا يعلق قلبها فيه البنت تابت تبي تستر على عمرها ونست الماضي وهو اساسا اعجب فيها يوم شاف ادبها وانها ثقيله وماتعطي الشباب ويه واهي حبته

الحين السؤال هل يجوز انها تخفي ماضيها عنه ؟
وبليز لحد يغلط لان محد معصوم عن الغلط لحد يقول وينها يوم سوت الغلط البنت الله العالم بالظروف الي مرت فيها والانهيارات ومحد طبطب عليها حتى المقربين منها امها وخواتها ماقدرت تفضفض لهم لان محد بيفهمها مع العلم ان البنت من صغرتها راعيه صلاه وذكر ودعاء بس ابليس شاطر وانتابتها حالات الياس وايد وحسبي الله على من ظلمها وضيعها
يرجى الافاده ودعواتكم لها الله يفرح قلوبكم البنت خايفه لا ينكشف امرها وهي بنيتها الستر
والي بيتشمت في سالفه انها اذنبت تذكروا الدنيا دواره