اسيا لمن يستحقها , الهلال لا يستحق اسيا !

_


سلآم عليكم
بدخل بالموضوع على طول


ادارات انديه تجهز فريقها وتطعمه بلاعبين اجانبّ مميزين ومدرب سجله حافل .. وتدفع الملايين لكي تحقق كاس اسيا
اداره ( زرقاء ) تجلب اجانب سيئين وباسعار منخفضه وتريد منهم ان يضيفوا للفريق .. ومع ذلك تطمح لاسيا !!

عجيب غريب يا ادارة الهلال !! .. ترا اسيا مو كاس ولي العهد .. تاخذها بالبركه !!

تبغى اسيا ؟ مهرها غالي .. تعاقد مع لاعبين اجانب على مستوى عالي حتى لو كان سعرهم مرتفع , الغالي سعره فيه
وخير مثـال ويلي و نيفيز ورادوي ..

تبون الصراحه ؟ انا كنت اقول لعل وعسى اللاعبين الاجانب اللي يجون من انديه غير معروفه يكونون قد الطموح
اما الحين تأكدت ان اي لاعب يجي من نادي معروف ومشهور وكان يلعب بدوري قوي هذا سعره فيه وله قيمته

برونو سيزار لاعبّ الاهلي هذا من الفئه اللي عندها امكانيات .. ادارة الاهلي دفعت عليه مبلغ كبير .. وانا اقول يستاهله !

اجب جايب لي لاعب عمرهّ 31 ( ويسلي ) ويطلع لك بدور واحد فقط وبالدور الثاني اللي هو الأهم يختفي فيه !
وربي كل ماشفت صوره لنيفيز انغبنن اقول كيف ذا اللاعب فرطنا فيه ؟

ويـلي الاداره تركته وهو بعز مستوياته .. فقط كـ ( تغيير ) وليس للافضل !
من بداية الموسم وحنـا نصايح ياعالم نبي صانع لعب اجنبي !! والادارهّ راحت تجيب لك محور مثله مثل هرماش


يـاجماعه الهلال في خطر !
الهلال احتمال كبير يمر الموسم الجاي ومايحقق ولا بطوله ؟
نلاحظ من موسم لموسم الهلال ينزل مستواه بعد ماكان يحقق بطولتين صار يحقق بطوله وبعدها صار يحققها بالحظ
ياجماعه كاس ولي العهد هالموسم قدام النصر ترا جا بمستوا هزيل .. وانحسم بركلات ترجيح ( حظ ) !!
بعدين خلاص كاس ولي العهد ماهو طموحنا .. الدوري ولا كاس الملك اهم منه

اجل 5 سنوات بكاس الملك ماوصلت النهائي الا مره وحيده ؟ شي يغبن
واللي يقهرك يجيك اخر الموسم ويخورها بكاس الملك واللاعبين يلعبون وماكان الجمهور يحترق ويبي البطوله

فيه كلام كثير ابي اقوله بس موضوع واحد مايكفي !!

ماقول الا الله يستر على هلالنا .. اصبح من جرف لدحديره