منو تعرف شنو عﻻج التكيس ؟
السﻻم عليكم
انا مشتركه صارلي سنه وشوي وطول هالفتره ما شاركت كلش
قريت عن مشاكل الكل واستفدت الحمد الله
اتمنى الي مشكلتها مثلي تفيدني ﻻنه عمليتي لطفل الانابيب قربت اخر هالشهر ان شاء الله
او بداية شهر6 باذن الله وللعلم اني سويتها من قبل وما ضبطت
وانا اراجع بمستشفى الصباح وحيل احاتي بس الحمد الله اني متفائله واثقه بربي ما ينسى عبده
انا فيني جيس خلقي من الله من وانا بنت بجهه اليمين وكان صغير ووايد انصحوني الاستشارين انه ما اسوي عملية الكي
بس دكتورتي بالصباح اصرت اني اسويها بسبب انه ﻻزم يكون الرحم نظيف علشان اسوي عملية طفل الانابيب
وسويتها وسويت بعد طفل الانابيب وأفشلت وتاخرت الدوره حول اسبوع وشوي وقالوا السبب انه رجع الجيس مره ثانيه وبحجم اكبر شوي
واصرفولي حبوب منع حمل ﻻزم التزم فيه كورس كامل الي اهو 21 يوم
بس انا ابي الي حالتها مثلي وصارت زينه تنصحني شنو الاكﻻت الي توخر هالتكيس او شنو سوت ووين راحت والله انا تعبت من هالجيس
وايد احسه مخرب علي بسالفه العملية طفل الانابيب ﻻنه قريت اهو سبب ما يخلي المرهه تحمل
وانا بخاطري بضنا عسى الله يرزقني بالذريه ويرزق المحرومات مثلي يارب ويفرح قلوبكم حبايبي
