فزعتكم ياالأخوان تكفون اللي عنده معلومه عن هالمرض
اغنام - ابل - دواجن - طيور
صاب الغنم (( ضان نجد )) مرض مدري وشهو وتعبت والله كل يوم وانا جار وحده ثنتين من غير البهم اللي يموت بعد الولاده بيومين واللي شهر واللي بلحظته وطشاش بالغنم يمكن حول عشره طشن اعيالهم منهن مكتمل ومنهم صغير بعد ماكتمل .... المهم الغنم بداأ المرض معها من حوالي شهر اشتريت بيعه حوالي السبعين راس ودخلتها على الغنم القديمة وكانت طيبه مافيها شيء الجديده والقديمه الحاصل ان اعراض المرض بدت بسيلان مع الانف وزبد مع الفم ابيض وصعوبه بالتنفس وتطيح النعجه او الصغير ويمتنع عن الاكل ويلصق بطنها بظهرها ... تاخذ يومين وبعضها اسبوع وتموت ((( وحده منهن نفس الحالة وانعمت ماتشوف ))) جربت كل العلاجات وطعمتها دموي ومعوي وعطيناها سلفه وفيتامين ماخليت ومابقيت وطلعت لها دكتور ... اليوم عزلت ثنتين وفتشتها ولقيت في بطنها وديوسها حبوب داخلية تحت الجلد حتى بالديوس وفتشت الغنم الثانية ولقيت الغالبيه زي كذا ....
ياخوان هذا جدري والا وش هالمصيبة الغنم كل يوم اسحب منها وارمي الله يبارك لكم في حلاللكم ويبعد الشر عنا وعنكم ... اذا احد مر عليه هالحالة لايبخل علينا بمعلومه جزاكم الله الجنة ووالديكم .
t.uj;l dhhgHo,hk j;t,k hggd uk]i lug,li uk ihglvq
