مكسور قلبي و مو عارفه شسوي *

http://www.q8yat.com/t1134678.html

كتبت الموضوع امس من حر مافيني وبعدها قررت انتي اتفاهم معا و احنا قاعدين قلت له يافلان ماودي ايي يوم و نتهاوش في معا بعض و انت تدري فيني ما اعرف اخبي شي بقلبي و ما اقوله لك جان يقول لي ليش شفيج تبين اتهاوشين قلت لا والله ما ابي بس انا من كثر حبي و احترامي لك اموووت ب اهلك و امك ما اناديها الى امي و حاطتهم كلهم تاج على راسي كل هذا لانه روحي فيك و احبك جان يقول لي و بعدين قلت له انزين انا مالي قدر عندك لو كنت تحبني و تغليني ما تقول ل ابوي هلا هلا بوفلان جان يقول انا كيييييفي ماعندي عم و ما اقول حق احد عمي انا حتى اخو ابوي ما اقوله عمي ابوج مو عاجبه خل يروح يغيير اسم ولده و بعدين ابوج زعلان ايي يكلمني و تم يغلط و يغلط و انا كيفي و خرا عليج و على امج امج تبي تخرب بيتج و تطلقج هذا الي تبي و انا كله ولا اهلي سكت وايد هل مره ماقدرت اسكت كبرت السالفه بينا و بعد الصراقات و تصقع بالراس و بكس بيعني و زنودي كلهم زلق و دم و صار ازرق على بنفسجي و كدمات صاار مينون بنات قام يتهمني بشرفي يقول والله ارفع عليج قضيه و اسجنج انتي و اهلج و اقول حق اهلي اني ماخذيتج بنت كنتي م...... قمت ابجي نفس المينونه خفت على اهلي و اخواني لايسوي فيهم شي لانه و ربي مينون مايخاف الله و ماعنده حرام و حلال مسوي نفسه ملتزم و دين جدام الناس و اهو مافي ذره ايمان بقلبه كل تفكيره بالهاوش و البنات و الشقر كرهني حياتي و حرمني من كل شي عمري 23 لبسني بدال العبايه عباتين و من فوق له تحت اسود ب اسود قلت ماعليه الستر حلو و ما احط ولا شي بويهي قلت عادي ماعليه و طلعني من وظيفتي لانه شكاك قلت ماعليه علشان يتطمن و ماتصير بينا مشاكل و ماعندي سياره و لا اطلع مكان الى معا حتى مصروف والله العظيم و رب البيت ماقال لي مره هاج دينار حطي فبوكج يمكن شي بخاطرج خايفه من الطلاق حتى لو بيطلق راح يفضحني و يضرني و يضر اهلي انا بالطقاق بس ابوي اخاف عليه قلبه تعبان و مايتحمل واحد ياهل يغلط عليه و الحين يقول لي ماكو اهلج انسيهم و اخذ تلفوني مني و قال اذا دقو عليه يسئلون عني راح يسمعهم حجي علشان لايدقون مره ثانيه خايفه مادري شسوي يارب تستر علي و اهلي ماينضرون من الي مايخافك حسبي الله و نعم الوكيل في و ب اهله يوم يو بيتنا و قالو مصلي و صايم ى خايف ربه كل حجيهم عنه طلع العكس منافق و جذاب و حقود و قلبه اسود و ماله امان بالعشره