سلامووو عليكووووووووم
وش قاعدين تسوون؟؟
بالله مو طفش؟؟:زعلان:
تصدقون عندي غرشه وحاطه فيها نمل وبعوض...عشان حالات الطفش المستعصيه
اطلّع لي وحده واخليها تقبصني و اتسلّى بالحك:11retcher
ماعلينا
اسمعوا بقول لكم سالفه حقيقيه صارت لي ايام زمان
وادعوا لي ان ربي يسامحني:زعلان:
اذكر ايام الروضه مدري التمهيدي..كنا زي ستار اكاديمي شباب وبنات في فصل واحد:كلوش:
الموووهم..كان عندي صديق اسمه ابراهيم..لما الحين اذكره..دب وشعره تقل مكنسة فلبيني..الحمد والشكر لله..عاد يوم من الايام جت المعلمه ومعها حاجه زي الختم مكتوب عليه(( ممتاز)) وثاني مكتوب عليه((جيد جدا)) وطوابع ((نجوم))...حطتهم عالطاوله واخذت دفاترنا عشان تصحّحها>>>كلها خرابيط ومخلوقات اقرب ان تكون للفضائيه وش تصحح مدري:mf_popean
عموما...في هاللحظه...سمعت واحد يناديني((نبوض نبوض))...طالعت يمين..ويسار.مافيه احد....مره ثانيه ناداني((نبووووض وجعوووه))..برضو طالعت يمين ويسار ماشفت احد..حسّت فيني المعلمه قالت وش فيك كل شوي تطالعين يمين ويسار..قلت لها..لا ابد..ابعبر الشارع واشوف اذا فيه سيارات والا لا>>>تصريفه زي وجهي
عموما..جلست 5 دقايق وبعدين رجع الصوت((نبوض مالت عليك وعلى وجهك الللي كنه جائزة الاوسكار..اسمعيني..انا ابليس..طالعيني فوق كتفك يالحولا...)):vampire:
طالعت والا صدق واحد احمر ولابس طاقيه خضرا على بالي فلفل وربي
قلت له وش تبي..مهوووب ذا وقتك..توني صغيره...لاحقين عليك..نشوفك بعد خمس سنين انشاء الله..واعطيته مكنسه وقلت له يالله طير..
قال لي: لا لا حلوه بس لاتعيدينها..
اقول انثبري عشان مايجيك كف اقلب وجهك شقق مفروشه
قلت له وش تبي؟؟
قال لي..شفتي الطوابع؟؟ والختم اللي جايبتهم معلمتك وفرحانه فيهم؟؟
قلت له: خخخخخخخخ حلوه فرحانه فيهم:كلوش: ..الله يرجك ياابليس..المهم..وش سالفتهم
قال لي: ابيك من غير ماتحس المعلمه..تاخذينهم وتحطينهم بشنطتك...ترى بينفعونك اسمعي كلامي..تروحين البيت ونلعب فيهم انا وياك..نلعب لعبة المدّرس وطالبته المطيعه
قلت له: قل قسم..وربي ابد مهوب لايق عليك تقول هالحتسي...قل تبيني اتهزّا..تبي الناس يكرهوني..مو تبي تلعب معي
قال لي: طيب لايكثر..بسرعه روحي خذيهم
والا فجأه يطلع اللي بالجهه الثانيه..ذاك حق الخير..ويقول لي..باك:11ccer:
قلت له: تو الناس اقول وراه ماتطس في ذاك وماابغى اشوف خشتك روح كمّل نوم يالمخيس:11bomb:
ماشفت الا ابليس منسدح عالارض من الضحك...
عموما...رحت بنفّذ اللي قاله لي...وقّفت طابور وانا ماسكه كتابي اللي ماباقي شخبوطه في الدنيا مارسمتها فيه....وربي اللي يشوفه يقول كتاب جني على هالطلاسم اللي موجوده
..المووهم
جا دوري..حطيت الكتاب عالطاوله...وشوي شوي بديت ارفع يدي...لما استوليت عالختم والطوابع...طالعت المعلمه..الحمد لله مندمجه في التصحيح يقال لها مثقففه وهي من جنبها
...واقوم اطالع وراي..برضووو الحمد لله كل واحد منشغل في حاله مو قاعدين يطالعون....انسحبت من ساحة المعرركه ورحت عند شنطتي في آخر الفصل..وحطيييييييييت مااستوليت عليه من الغنائم هناك...:كلوش:
طلع لي ابليس وهو يرقص رقصة ماكارينا...
قلت له: فرحان يخويه؟؟:زعلان: قسم بالله اني ندمانه ليس سويت تسذا
قال لي:ماعلييييييك تكبرين وتنسين هع هع قومي ارقصي معي بس...
واول مامسك يدي...سمعت المعلمه تقول بأعلى صوت((ويييييييييييييييييييي يييييييييييييييين اغراضي اللي هنا)):11bomb:
مييييييين اللي اخذها:11bomb:
وكل واحد متنّح اكثر من الثاني
الا انا...العرق ينزل مني من كل الجهات ...وكراعيني تتصافق مع بعضها...ادوّر ابليس مااشوفه...الله ياخذك قل آمين وهقتني ورحت ياجعل امك ماتجيب غيرك
قالت المعلمه: راح اسوي تفتيش الحين..وبشوف مين اللي تجرا ومد يده على ممتلكاتي>>>الله والممتللكات عاد اللي يسمعها يقول شقه في باريس وشاليه في لندن وفيلا في النمسا...اقول طسي بس
فجاه طلع لي ابليس
قلت له: وين رحت يالتكروني
قال لي: انا تكروني؟؟ ماتشوفين وجهك...تقولين صحن ورق عنب
قلت له: مهووب وقت تنكيت ابد...وش الحل وش اسوي؟؟
قال لي: بسيطه افا عليتس...خذي اللي سرقتيهم وحطيهم بشنطة خويك برهوووم
قلت له: لا لا لا كل شئ ولا برهووم...
قال لي: خلي عنتس العواطف واركدي...وسوي اللي اقول لك عليه
قلت له: بسوي وبشووف وش نهايتها معك..لكن وربي لو صار لي شئ ماتلوم الا نفسك
رحت وفتحت شنطة ابراهيم...طبعا هو كان في الحمام..استغليت الفرصه وحطيتهم بشنطته....وصلت المعلمه عنده..وفتحت الشنطه وشافتهم...يوووووووووووووه... . قسم بالله راحت ومسكته من اذانه...وسحبتها فوق فوق فوق فوق
خلتها تزيد 10 امتار..ومن ثم نزّلتها تحت..وبعدين قامت تلّفهاااااااا لفففف مهوب صاحي...يعني لو مخلينها زياده كان سوّت معجّنات بأذنه
لكن الحمد لله...جات المديره بعد ماسمعت صراخه واصل للمدرسه اللي جنبنا...فجأه جاني حق الخير ابو طاقيه صفرا ..وقال لي: وربي حرام عليتس..شوفي الولد وش صار فيه وهو ماسوى شئ..روحي بالله قولي لهم الحقيقه..وش بيسوون لتس؟؟ يعطونتس كف؟؟ احسن تستاهلين...لكن حرام تظلمين الرجال وهو بريء>>>اقععععععععد..برهوم البزر صار رجال خخخخ
المووهم..حسيت بالغلط...ورحت وفكّيت بينهم..واقوم انسدح عالارض واعد لين الثلاثه..تصدقون تححمست على بالي في مصارعه...
عموما
هالمره انا اللي مسكتني المعلمه من اذاني>>>مدري على بالها ارانب الظاهر
قالت لي وش تبين؟؟
قلت لها: عايز الحـق؟؟ ايوا القلب بحبك دق..ايوا حلمت انت ان تكون لي واني اكون لك
لا لا تتبين الصراحه؟؟
انا اللي سرقت طوابعتس المخيسه..وآسفه عاللي صار..قسم بالله موب انا اللي خططت لهالشئ...هذا ابليس الله يلعنه
ماشفت الا شئ يجي بأقصصصصى سرعه على خدي..وبعض الاجزاء من اذني..طررررررررررخ...قسم بالله لما الحين صوت الكف اتذكره...اصلا لما رجعت البيت بعد هالحادثه ظلّت اذاني تزن اسبوع
عموما....
من هالقصه نستفيد ان ابليس مهوب زين>>>قولي قسم
يالله جاني النوووم
تصبحون على خيييييير
ط
ط
ط
طحياطي
نبووضه
