[align=center]أيام الزعل)[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
فتحة البيبان ما هي صحيح ولا صـواب = انشد اللي جرب الناس قدام الزعــــلْ
كمْ واحدْ سنه ابيض وقـلبه قـــلـــب داب= وده يغيبك بسنين قـــدام الأجــــــــــل ْ
يصحب الراعي ويعدي علاه مع الذياب = لو ينشد عنه ويلقمه سمن وعســـــــلْ
=
مستريح اللي ليا فك باب يصك بــــــاب = يعرف اللي قام من مجلسه واللي دخلْ
هذي الدنيا دنيه ومبناها خـــــــــــــراب = ما يفيد ابن آدم امن الحياة إلا العمــلْ
لأتقول افلان وفلان وتصف الحســــاب = لن بدت حاجتك خلوك في جوف الوحلْ
ماعرفنا كيف نرضيك يا راع الجواب = بابك المفتوح حطيت لك فوقه قــفــــلْ
مرحبا بأصحابنا كلهم شيب وشـــــباب = وإن بغيناهم تعرف البخيل من البخـــلْ
والله اللي حط جنه وناره للعـــــــــــذاب = وأنت لاتعطي مفاتيح بيتك للهمـــــــلْ
خل بالك وادرس الحرب قدام الحـــــــراب = في الكتاب أحروف تشفي بها كل العــــللْ
سوره التوبة وياسين و آيات الكتــــــــــاب = تخزي الظالم وتفتح لقاريها الأمــــــــــــلْ
واطلب الله كل ما ارعد على الديره سحاب = يشرب الوادي ويروى من سيول الجبــــلْ
لا يهمونك هل الغدر عوجين الرقــــــــاب = دعوة المظلوم تأصل مداها في عجــــــلْ
إن حداك الوقت وألا لمس ثوبك شــــــهاب = ما تضيق إلا وتفرج وينزاح الجـــللْ
كم واحد كان مثلك هداه الله وتـــــــــــــاب = وأبعدت عنه الشياطين وأعمال الجــــهلْ[/poem]
[align=center]سعود بن غازي بن ضيف الله أبوتاكي المسعودي[/align]
