ابوفيصل قول للاعبين لايطقطقون . والكوري لو يسجل 7 اهداف على الخويا لاتجدد معاه ز نقاط

بسم الله الرحمن الرحيم

السلام عليكم ورحمة الله بركاته

هاردلك جماهير الهلال الخسارة الغير متوقعة لكن الله يعوضنا خير

عبد الرحمن بن مساعد طلب صغير الله يخليك , مابيك تكرر خطأ العام الماضي لما كان الكوري يو بيونج سو سيء طوال العام لكنه بدع في مباراة بني ياس الاماراتي وسجل 4 اهداف وجددتوا معاه والحين نشرب مرارة تلك المباراة .

ثاني شي حارس التعاون فهد الثنيان مطلب اساسي او حارس الفتح العويشير على الاقل حارس اذا ناوله المدافع الكوره يعرف يشوتها .

ثالثا لاعبي الهلال الله يرحم والديكم لازم تفهمون شي , ترى الطقطقة والفنيات والكعوب والكباريات ماتطربنا او اتكلم عن نفسي والله ماتطربني , يطربني لما تنهي المباراة و انت فايز وتطلعني من الملعب وانا مبتسم وفرحان .

واذا معزمين تبون تتفنون وتطقطقون امن النتيجة اول , يعني سجل ثلاث اهداف مو هدف او هدفين حتى . ترى طقطقتوا في مباراة الاتحاد والنصر النهائي مع انه باقي دقيقة كان تقدر تضيع فيها الوقت ومباراة الاتفاق وغيره وغيره وغيره . وصار اللي مانبيه باستثناء مباراة النصر .

الله يعدي مباراة لخويا القطري على خير ونغير اجانبنا الفطاحلة باستثناء اوزيا اللي متوهق مالقى له محور يعتمد عليه .

- ارجو المعذرة على قسوة التعبير لكن تمسخرنا امس في الملعب بسبب النمشان اللي ذلنا في الملعب بتنظيمه السيء تمنيت الهلال ينسيني اللي صار ولكن .

الحمدلله على كل حال

اخيرا ارجو تصعيد لاعب الاولمبي فهد العمار للفريق الاول (ان شاءالله ما اكون غلطت باسمه ) لانه للاسف الهلال ماعنده لاعبي وسط في الاحتياط .

تحياتي

هلالي اشبيليا