الهلال والحلقه المفرغه... سيناريو يتكرر

بسم الله الرحمن الرحيم



الهلال ذاق المر في كأس الملك وفي البطوله الاسيويه في ال5 سنوات الماضيه: (أنا أتكلم وأنا متيقن بخروجنا أمام لخويا القوي جدا ), ولا ننسى تدهور الهلال من فريق يحسم الدوري الى فريق يبحث عن مقعد اسيوي.

الهلال في الموسمين الحالي والماضي لم يقدم ولم يستغل الامكانيات الموجوده لديه. وان كان هناك نجاح نسبي الا انه بمقاييس الهلاليين يعد فشلا ذريعا.

الهلال في آخر 3 سنوات خسر من أولسان بال4 ومن الشباب والاتحاد والفتح في كأس الملك بال 3. الهلال لديه عقده اسمها الاتحاد في 9 مباريات بكأس الملك. وفي البطوله الاسيويه يفوز في البدايه ويتعثر ما أن يواجه فريق (منظم) وليس قوي !!!



- مع عدد كبير من المدربين : كوزمين - ليكنز - جيرتس - كالديرون - كومبواريه - زلاتكو

- مع عدد كبير من الأجانب : ويلهامسون - تفاريس - رادوي - نيفيز - هرماش - مانغان - لي يونغ - يو بيونغ - ويسلي - بوليفار ....الخ.

- مع أكثر من مدير كره : سامي - المفرج - اللحيدان .....الخ

- مع عدد كبير جدا من اللاعبين المحليين.



العامل المشترك في كل هذه الاخفاقات هو رئيس النادي. لا غير

وش الفايده من صفقات محليه بدون أجانب مؤثرين جدا !!!

وش الفايده من لاعبين محليين و أجانب مميزين وأعراضهم تقذف في المدرجات والاعلاميين يتهمونهم بالباطل ولا نرى أي رد عليهم !! وأتحدى ان يواجه لاعبين الأنديه الأخرى ما يواجهه لاعبينا.

أنا ما أجيب كلام من عندي, في تقرير الجزيرة الرياضيه لمباراتنا مع الريان قالها الرئيس وبصراحه, موسم نجدد فيه عقود لاعبين ونجلب لاعبين محليين لا نستطيع أبدا ان نحضر فيه لاعبين أجانب مميزين. يعني الرجال قطها في وجيهكم بدري.


انت كأنك تبني عماره, تبني دور وتترك دور. اذا ما اجتمعت كل العوامل المهمه للنجاح ما راح نفلح !!!

نادي غوانجو الصيني تعاقدوا مع لاعب برازيلي اسمه إيليكسون ب 2 مليون دولار, سجل 12 هدف في 7 مباريات بالدوري الصيني !! فقط قارنوه بيوسف العربي أو يو بيونغ أو حتى ويسلي لتعرفون فارق الفكر الكبير.

الدليل على ذلك أن الرئيس الموسم الماضي في تويتر قال انه لن يدفع ولن يبذل أي مجهود في صفقة الشهراني ( لأنه ومع احترامه الشديد للاعب غير مقتنع بانه اضافه للهلال) وأن الناقور سيتكفل مشكور بالصفقه. والآن الكل شاف مستوى الشهراني وتأكدنا من مدى ضحالة فكر الرئيس (كرويا) !!

لا تستغربون مره من المرات قال مدري احنا او القادسيه جاب الاسيويه قبل ؟ مع ان الكل يعرف انه الهلال عادي يا ناس ريال مدريد اخر مره جاب دوري الابطال في 2005 :to: مع ان الكل يعرف ان اخر مره كانت في 2002 تبونا نجيب لكم تيري هنري مثلا !! قال هالكلام في أسوء مستويات هنري (مثال سئ)



تعبنا واحنا كل مره ننتظر.


-واضح جدا غياب المحور المؤثر, بالله بوليفار لاعب؟ لا يمرر صح ولا يقطع صح ولا يجرب يشوت وفوق هذا يزلق !!

-غياب صانع اللعب, وكلنا شفنا برونو سيزا تحديدا في الكور الثابته وش يسوي مع الأهلي. ونشوف كماتشو افضل صانع لعب بالدوري موسمين متتاليين. شوف هدف السهلاوي على الاهلي وشوف لمسة باستوس. واحنا على الله ثم على سبرنتات العابد وسالم !!

-هدافنا الاجنبي تحول لصانع لعب, والكل يعرف انه ما يبغى النادي وأغراه عرض بيكالي رئيس ستيوا بوخارست وما منع ويسلي من الانتقال الا لأنه لعب مع ناديين, ناديه الروماني في مباراتين بالدوري وبعدها الهلال, ونظام الفيفا لا يسمح للاعب الا بالمشاركه مع ناديين فقط في الموسم.


البدلاء سيئين جدا جدا جدا, عاهات مثل خيرات والغنام ونامي والمرشدي لعبوا في الفريق لين ما قالوا بس, ولا يهون سعد وان كان يقاتل لكن مستواه ما يشفع له ياخذ مكان الجهني الشباب, خصوصا في ظل تواجد ياسر و السالم ونتمنى مهاجم اجنبي ممتاز.



على فكره هالكلام مب نتيجه للخروج الآن, أكثر من مره كتبت وحتى بعد حسم صفقة السالم وعطيف وبعدهم الشهراني, قلت الرئيس ما قصر لكن رحيله بات مطلب مهم جدا. لما طلعنا من الاسيويه سوا تمثيليه وقال باستقيل وراحوا له اللعيبه للبيت مع كاميرا الرياضيه, ومشى نيفيز و جاب أحمد علي !!!

قارنوه باللي حصل مع الأهلي, رئيسهم اعترف بخطأه, حافظ على نجومه, جاب موارليس (اللي ما توفق) بدال كماتشو, ولما ما فاد ما كابر, وجاب صانع لعب بنفيكا البرتغالي برونو سيزار وكلنا نشوف وش يسوي الحين.



الكل يتعلم من أخطائه واحنا ما زلنا ندور في الحلقه المفرغه, الموسم القادم ليس بالهين أبدا أبدا.

الأهلي أصبح شرس و أكثر شراسه من السابق, الشباب يعمل ويعمل بصمت وبصفقات مؤثره واستقرار فني, الاتحاد لديه جيل قادم بقوه, الفتح موجود.

الهلال سيكون في وضع سئ للغايه إن لم يتدخل رجاله المخلصين واللي (فاهمين كوره)