وعكه صحيّه وراحت

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت اظنّك يالمفارق صعب وجروحك قويّه = كنت اظن الــــــموت يآتي لي تفارقنا وراحت
كنت اظن إني بلاها ضـــــــايعٍ ما لي هويّه = واحسب الغربه جفاها لا ابعدت عني وزاحت
ماحــــــــــصل شيّ افترقنا بعد ما كنّا سويّه = كلٍّ اقفى في طريقه ودمعةٍ بالــــــــخد طاحت
يوم فرقاها ادوّر لي حـلول بفوضــــــــــويّه = مرتبك كلّي وخايف والمــشاعر ما استراحت
مرّ يومين وثلاثه بين ليلٍ واضـــــــــــحويّه = بين نســــــيان وتذكّر بين معــــــقوله وباحت
أحسِب إني في زماني عاشقٍ حــــب ابدويّه = راح عمره في رجاها وان تركها يوم صاحت
راحت الأيّام تجري وانتـــــهت ذيك الخويّه = ناسيٍ حتى إسِمْهْا كــــــيف كانت كيف لاحت
كنت اظنّك يالمفارق صعب وجروحك قويّه = واثر فرقاها مــــــجرّد وعكه صحيّه وراحت[/poem]

أخوي خالد آل منشار

صح لسااانك وسلم فكرك واعتلا شانك

رايعه بروعة حضورك

وافي من احساس وافي

لك فااائق احترامي وتقديري

صح لسانك

وتقبل تحياتي

كنت اظنّك يالمفارق صعب وجروحك قويّـه
واثر فرقاها مجرّد وعكه صحيّـه وراحـت



خالد ال منشار


لله درك على هذه الرائعه


صح لسانك

وعلا شانك


تحياتي