رساله الى من يهمه الامر من "اهل المعاريس"..وللغافلات المدعوات

رساله الى من يهمه الامر من "اهل المعاريس"..وللغافلات المدعوات



السلام عليكم ورحمه الله وبركاته

عفوا عرايسنا بس هالموضوع مو لكم هالمره "لاهلكم واهل المعرس."



تفاجآت امس بدخول رقم تلفوني في مجموعه بقروب ما اعرفه. .بالعاده لما يصير هالشي. .واكون عند التلفون احذف وخلاص

هالمره كنت مشغوله. . ولما رديت لقيت المجموعه مكونه من اكثر من 19رقم وﻵ رقم منهم مضاف عندي اساسا. . يعني رقمي كان عند صاحبه المجموعه.وهي بعد. رقمها غريب بالنسبه لي



باختصار الاخت الله يهديها ويستر عليها..

مصورة عرس واحد من عيالهم. " يعني هي اما تكون امه او اخته عشان يكون الفيديو عندها بالاساس "
.وحبت اتسوي قروب من ارقام رفيجاتها وترسل لهم فيديو العرس. !!!

ماقالت صور.... لأ اللي شفته انها كاتبه لهم بأرسل لكم فيديو عرسنا " ...!!!!!!

ونص المجموعه كانت ماتعرف بعض يعني كل وحده تسال الثانيه منو انت! ؟ ومنو معاي؟ ...




الحين. .. هي رساله. .بل امانه تحمل في عنق كل ام او اخت او زوجه او بنت

في عوايل كثير اعتزلت الاعراس بسبب كامرات التصوير

بصراحه اعتقد انها مالها داعي كامره تفتر على الحاضرات وحده وحده

حتى بالرقص. .. تتوجهه لهم. .ومرات نشوف بنات يرفضون ويقولون للمصورة لا تصورين. .

الا اني احس بنسبه النحاسه ! المشعه من بعض المصورات. . وتلقينها تلف وعقب شوي تصور البنت نفسها اللي قالت لا تصورين. !!

وشفت اكثر من مره خلاف بين الضيوف واهل العرس بسبب حركات المصورات. .. هذه نقطه

ياريت كونكم اصحاب الفرح انكم تنتبهون لها اذا كانوا ضيوفكم يعزون عليكم.



النقطه الثانيه : واللي اهي مصيبه بصراحه

فيديو الحفلات الخاصه بكم وبضيوفكم وبنات غافلات محصنات لا تنشرونها بالقروبات وتس اب وغيره




وتاكدو من شي واحد ان هالبنات المحصنات لما دخلو عرسكم هم حطو نفسهم امانه عندكم. .

ويقول الرسول صلى الله عليه وسلم :

لا ايمان. .لمن لا امانه له. ..

ولا دين لمن لا عهد له. .."



ولن اجد اصدق وافضل من قول المصطفى صل الله عليه وسلم. .لاختم فيه



الله يستر عليكم وعلينا. .ويكفينا واياكم شر الانفس. ..اللهم امين





مثل ما صار ونضاف رقمي بالغلط. .يصير وينضاف اكثر من رقم هم بالغلط. .

اعذروني اذا تحسون اني ابالغ. .. بطرح هالموضوع

لكن وبالامانه تخيلت نفسي او اي وحده اعزها موجوده بجذي موقف لا قدر الله