بلغ غيابي 15 بدون عذر مالحل ؟؟ - الفروقات حقنا وهدفنا

السلام عليكم ..
بصراحـة بعد التشدد في قبول الاعذار و التقارير الطبية مايدري الواحد وش يصلح
أنا الآن لدي غياب 15 يوم بدون عذر متفرقة ولسه باقي كم من شهر بيحسبونهم و بلغ 25 بعذر ..
المشكله أن المستوصفات الأهليه ماعاد يقبلون تقاريرهم و أحنا و الله ما نتعامل الا معهم لمن نتعب ..
المسشتفى الحكومي نجي تعبانين يعطونك موعد بعد شهر كيف أجيب تقرير عن غياب اليوم طيب ؟
و المستوصفات الحكوميـة لمن نروح لهم يقولون ما نعطيك الا لما تكونين منومـة ؟؟؟؟ أو نعطيك مراجعة و المراجعة المديرة ما تقبلها ؟؟؟
و الوحدة الصحية تقول نعطي مرة في الشهر ؟؟
بالله عليكم وش نصلح .. من غير التعب اللي نمر في و الظروف محد يقدر ولا يقبل منا شيء الا من مستشفى حكومي ؟؟؟
أنا عندي ظروف عائلية و الوالدة تعبانه و من غير ظروفي أنا الأسريه و لا أدري وش أصلح الحين..
دخلت بوابة التكامل المديرة حاطه لي 15 يوم بدون عذر و 25 يوم بعذر ..

سألتكم بالله قولوا لي وش أصلح أخاف أفصل و أنا على الله و على هالوظيفـة ؟؟
تكفون وربي نفسيتي تعبانـة .. الله يفرج على من يفرج عني ..