الهلال يجب ان يلعب في اسيا بهوية الفريق الضعيف المتواضع ! ( لكي يحققها )
السلام عليكم ..
يمكن البعض يوافقني على العنوان والبعض يعارض ..
موضوعيّ هو ممكن يكون سبب من اسباب خروج الهلال المتكرر في اسيآ ..
الهلال لايحترم الخصوم في اسيا ! نعم لا يحترمها
لو نرجع شوي ورا وقت قرعة دور الـ 8 اللي حطت الهلال مع اولسان الكوري
كان الأغلب وقتها يشوف هالفريق سهل جداً .. ولا كانه فريق شرق آسيوي اللي اقوى من انديتنا بفارق كبير
ولا اخفيكم كذباُ اني كنت وقتها اتمنى نقابل اولسان لاني كنت انظر له ذاك الفريق السهل اللي نقدر نعديه ..
وهالشـي وصل للاعبين انفسـهم وربما للاداره .. شفـنا كيف الهلال تفاجئ من مستوى اولسان بالذهاب وخرج بهدف
بعدها صرح عبدالكريم الجاسر وقال على حسب ذاكرتي ان العوده سهله بالاياب وليس فريق صعب < مو متاكد من هالجمله لكن زبدة تصريحه انه قلل من اولسان ..
وشفنا كيف لقمنا 4 بالإياب .. و اولسان حقق كاس اسيا ووصل للعالميه ,,
هذا اقرب مثال ولا قبلها امثله كثيره .. مثل الوحده الاماراتي وام صلال وذوب هان ووو.......الخ
اسطوانة زعيم اسيا .. اسطوانة انا صاحب الـ 6 بطولات هاذي ياليت نشيلها من روسنا ..
صحيح الهلال هو من حقق اكثر بطولات اسيويه بشتى انواعها , لكن قبل متى ؟ يوم الفرق السعوديه واليابانيه مستوياتها متساويه ؟؟
وش اللي خلا النصر مايجيب بطولات ؟ ترديدهم لمشاركتهم العالميه اللي ازعجونا فيها
الهلال بدأ يسير على نفس الموال .. انا صاحب الـ 6 بطولات ولا احد اقوى مني !!!!
يمكن بعضكم بيشره علي اني اقول هالكلام لكن هذا الواقع ! الناس صاروا عقلاء الحين الوضع تغير
انتهى زمن التطبيل وفريقي اقوى فريق ! ياجماعه الاهلي الموسم اللي راح وصل النهائي بكل سهوله وكاد يحققها
والان هو ينافس .. وش ردة فعلنا وشعورنا اذا حققها ؟ اكيد نبي ننغبن
لكن مقصد كلامي .. الهلال لازم يدخل اسيا ويلعب فيها بهوية الفريق الضعيف .. يعني لو يلعب مع اي نادي كان من كان لازم يشوفه انه نادي اقوى منه بكثير والفوز عليه صعب !
وللأسف المشكله هاذي صارت برئيسنا .. بعد الخروج الاسيوي الاخير قعد يعددلنا بطولات الهلال الاسيويه ويقول نحن الاكثر انجازاً .. طيب يا اخوي الكلام هذا الجمهور يقوله مب انت .. انت بهالطريقه تأثر على اللاعبين تأثير سلبي .. يعني اي مباراة اسيويه حاسمه ماتفرق معهم لو خرجوا .. لانهم بيجي ببالهم كلامك اننا نحن زعيم اسيا ونحن ونحن ماتفرق معنا !!
ماحبيت اطول الموضوع عشان مايمل القارئ بس اتمنى فكرته وصلت وياليت اشوف ردود عقلاء :rose:
