مسا الخير..
هذي خاطره جديده كتبتها اليوم..
أتمنى ان تعجبكم..وتحوز على رضاكم...
يا خيال الواقعيه
يا زمان المعمهيه
وش صدقّك
وش كذبك
وش أفراح
وش أتراح
يا زمان الاضطرابات
ضاعت بك الحسابات
لخبطت جدول الصيف
حولتنا من بيروت لجنيف
والأجازه اللي كلٍ يحكي فيها
كل يخطط وش لون يبيها
إيه أنا اقصد الاسياد*
الحدث اللي احتل الصحف وساد
إجازته أطلعت أشاعه
وش ذا الخبر؟؟ يا بشاعه..
من شهر الى ولا ساعه
وانا اللي قسمّتها نصفين
الاول لربي والثاني للعين
الاول بوسط الحرم ومقابل الكعبه
والثاني مكان قلبي أنا يحبه
يعني على حسب الاجواء
المهم..أحس براحه ,نقاء وصفاء
المهم أنسى تشويش الرياضيات
هل نون داله حقيقيه؟؟
أما نعم او لا اجابه لاتحتمل الوسطيه
وتفاعل الاحماض مع الفلزات
وفلسفه الفيزياء بالمعادلات
القوه =سرعه فشحنه فتيار
وأنا خبري ما القوه الا كم سطار
إلا جاك رفيق يبي الفزعه
ولا بك غضب متدري وشلون أطلعه
أتروح تصفق أخوانك الصغار
ذا تشتمه وذا تلعنه وذا تقل له يحمار ((مكرم القارىء))
مدري إذا كنا نعتبر هذي شجاعه؟!
وأنا اعترف ان شخصي هذي طباعه
بلحظه أشتعل مثل الكبريت والولاعه
أثور ولا أشوف قدامي
تسبق أيدي بالفعل كلامي
أدري ان هذا مهوب سلوك حضاري
بس هذا انا من تشب ناري
وادري ان هذا من طبوع الجاهليه
يعني طيب وش تبي فـ زمان المعمهيه
كل منا يؤمن بأشياء غير واقعيه
نؤمن بالعدل..وتاخذنا الحميه
نؤمن بالأعتدال.. وما نرضى بغير الرفاهيه
نؤمن بالتواضع..ونشوفنا على الناس
ياخي..ترى الاعمال عند ربك هي المقياس..
لا قبيله ولا جنسيه..ولا تفريق بين الاجناس
ولو باحكي الكلام مايخلص مجاله
لذلك أبختم قصيدي بالصلاه على محمد وآله
الأسياد..أختصار لــ .. دوره الالعاب الاسيويه في الدوحه 2007..من 1الى 15 ديسمبر..>>
تقبلوا تحياتي..وخالص تقديري..
الهنوف
