السوادي هل يمتلك الموهبة ؟ ام هو لاعب تكتيكي ؟
السلام عليكم ورحمة الله وبركاته
بصراحه في كل المنتديات الاهلاوية لازم نلاقي اكثر من موضوع لي اللاعب سلطان السوادي
والاغلبية تنتقده كمستوى , بكل امانه وبدون عاطفه وانا والله العظيم اهلاوي عشان محد يجي ويقول مندس
السوادي بالوقت الحالي حرام نقتله ويلعب بالفريق الاول , مع انه نجم في الاولمبي .
السوادي والمقارنة معه ومع بصاص والفهمي , والعابد وسالم الدوسري ويحيى الشهري هؤلا مواهب ومبدعين من ناحية الباصات والمهارات والاهدف , لكن السوادي لاعب تكتيكي ومن النوع اللي يحبه اغلب المدربين .
الحل للسوادي علشان مانقضي على اللاعب من بدري انه يلعب كبديل او يرجع لي الاولمبي
لحد يجي ويقول السوادي موهبه , السوادي لاعب تكتيكي وبدري عليه يلعب الان مع الفريق الاول
تمريرات خاطئه كثييره , لاعب الى الان ماعنده ثقه بنفسه وماتجلس الكوره برجله ثانيتين هي ميزه اللعب على اللمسة الوحده لكن السوادي يصرف كور وعدم ثقته بنفسه
انا من اشد المعجبين بالسوادي لمن كان مع الاولمبي لكن حرام نشوف اغلب الجماهير تنتقده والسبب المدرب
وبعضكم بيقول اللاعب ادواره خفيه , احنا نشوف اللاعب في الملعب ونعرف مين الخفي ومين الموهبه ومين الهداف ومين الصانع لكن السوادي ضاااااايع وتمريرات كثيره غلط .
اتمنى من جمهور الاهلي اللي بينتقد السوادي لاينتقده كموهبة لاتقارنه مع بصاص والفهمي والعابد والدوسري لانهم مهاريين وهدافين ومواهب والسوادي لاعب تكتيكي لكن مو وقته الان بالفريق الاول .
اتمنى اني مازعلت احد وضحت بس وجهة نظري اللي اشوفها في السوادي انه لاعب تكتيكي ومهم عند اي مدرب لكن اتمنى يرجع لي الاولمبي او يلعب اخر 20 دقيقه الين مايثق بقدراته وراح يكون مهم بالاهلي .
