وش رايكم في ذوقي ياغرابيل؟؟؟
[وش رايكم في ذوقي ياغرابيل؟؟؟
قصيدتين أعجبتني وأتمنى أن تعجبكم
لإنها تستحق ذلك
*[صقرالنصافي]]
لواهني اللي ليا ضاق له يوم
اليوم الأول خاطره مايضيقي
ماهوب مثلي ضيقته دايم الدوم
ابي المليق اشوي وازريت اليقي
على عشيرٍ كل حيه لنا قوم
وهو الذي من بدهم لي صديقي
حبه بنا باالقلب ضلعان ورجوم
ياليت مظنوني عليهن يويقي
حتاه يدري اني بفرقاه مظلوم
غصبٍ على فراق ضاف الدليقي
إن كان هو مثلي فلا يلحقه لوم
عزالله إنه لي صديقٍ رفيقي
فإن كان عقبي حط قالات وعلوم
وأنا نساني رايحٍ في طريقي
الله يعرضه الردى ناقل الزوم
اللي على العربان سده خريقي
حتَاه يدري إنه بمسراه منجوم
الى رماه الله بخطوى الرفيقي
*******
وسبحان من أعطى سعد ملكة الشعر
سعد بن جدلان
البارحه عنزت للراس كفي
ونيت من باب الشرس والحماقه
حبيت أبين من خفوقي وأخفي
ملامح عن الأصدقاء والرفاقه
صديقي اللي لسانه يرفي
ولي صملت مني نوى لنسراقه
أحسن يقفي عن طريقي وأقفي
مستغنيٍ الله ولاذي الصداقه
ورفيقي اللي مايوقف بصفي
لايمتكن بيني وبينه صداقه
فرقاه ربح وجيته ماتشفي
الا الذي ماله على الشي طاقه
ولابعضهم للعلوم متلفي
لي جاه علم حط فوقه وساقه
كبير قلب في الحياه متعفي
راسٍ خلقه الله في جسم ناقه
لا مولع نار ولا هو مطفي
من حيث ما يصفق به الموج ساقه
ودمتم في رعاية الله
الغيم
