أخت زوجي ونغزاتها

السلام عليكم ورحمة الله

بنات انا عمري 24 سنة ومتزوجة من شهر ونص بس
ريلي حبوب ورمانسي وطلباتي اوامر عنده ومسويني اميره الحمدلله
اللي صاير انه اخته الكبيره عمرها 35 سنه تنغز علي من ناحيه الطباخ
من ان الخدم طول عمرهم يخدمون عندهم وخواتها اثنين توأم كبري ما يشيلون صحن
ولا حتى يجيبون ماي لانفسهم وريلي مو طالب مني اي شي من ناحيه الطباخ مكتفي بالخدم ولا حتى امه وخواته لكن بس هي دايم تنبهني ع هالنقطه اذا صرنا لحالنا وان المره السنعه لازم تجابل اكل ريلها وشلون سامحه لنفسي انام والخدامه تطبخ لريلي وما عندها غير موضوع الطباخ والمطبخ والخادمه اصلا طابخه للبيت كله يعني مو مخصوص لريلي
انا طول عمري ما طبخت مو لان ماعرف لكن ما التزمت لان طول عمري ادرس والحين مقدمه ع ديوان الخدمة وبيطلع توظيفي ومادري شلون اتصرف معاها
خصوصا انها قويه والكل يسمع كلامها لانها بنتهم الكبيرة واخاف ما اسمع كلامها وتروح تقلب علي البيت كله و زوجي :eh_s(16):

مو معقوله يعني اخلي الخدم يقعدون وانا اجابل المطبخ خو انا مو خدامه يديده :eh_s(11):

تكفووون بنات شوروا علي والله ما سجلت بالمنتدى الا عشان رأيكم ونصيحتكم