بستخف بناااااااااات لحقوني ...

مرحبا بنات ..!!!

بقولكم وضعي وبعدها بقول لكم مشكلتي ..

أولا أنا حامل بالتاسع وعندي ضغوط نفسية ..
- أحاتي الولادة ..
- في مشاكل في بيت أهلي وموترتني هالمشاكل بشكل كبير ..
- أحاتي زوجي بإستمرار كله أخاف يخونني بدون أي دليل .. ودايما ظالمته ..
- أخاف من خدامتي تأذي ولدي وكله أقفل الباب علي إذا زوجي طلع أخاف خدامتي تذبحني أنا وولدي .
- أخاف أذا ركبت مع زوجي السياره .. كله أتهيا بنسوي حادث وأكون متوتره وأوتر زوجي لين نوصل .
- دايما أجيك على زوجي وولدي وأهما نايميين كله اخاف أنهم ماتوا وأنا ما أدري عنهم .

يعني في وسواس بكل شي لدرجة بديت احسها مرضيه ومأثره على نفسيتي وصرت اقرب للعدائيه من غير لازم ..

المشكله الكبيره صايره أسوي شغلات وأنساها أقربها اليوم ..
رايحه لمستشفى الصباح عندي مراجعه بالمجلس الطبي لاني حامل وأنا رحت بسيارتي ..
المشكله أن لما خلصت وركبت سيارتي لقيت رقم سائق أدق عليه قبل علشان يوصلني إذا كنت مالي خلق أسوق
يقولي ماما أييج ألحين أنتي للحين بمستشفى الصباح .. أنصدمت قلت له ما دقيت عليك وأأكد علي إني دقيت عليه وقلت له تعال إخذني من مستشفى الصباح .. قلت له ليش أدق عليك أنا معاي سياره
المهم سكرته وقلت بتأكد من تلفوني ..
لقيت إني داقه عليه ومكلمته 3 دقايق بدون ما اتذكر ..

بستخف أنا ما أذكر إني دقيت عليه نهائيا وليش أدق عليه أصلا .. وانا صج داقه ليش داقه وقلت له تعال وانا مو محتاجته ولا متذكره حتي هالسوالف كلها ..

بنات تكفون ساعدوني شنو إيلي فيني ...