شوفوا شصار فبنتي بعد التطعيم
امهااااات لحقوا علي:eh_s(2):
بنتي توها داشه الخامس و امس العصر طعمتها تطعيم نهاية الرابع الي بعد الدرن
اول ما رجعت ايت دهنتها زيت زيتون دااافي و حطيت لها كمادات دافيه عشان لا تتحجر ريولها و يتجمع الدوا بمكان واحد
و شربت حليبها و نامت و عقب نص ساعه قامت تصاااااارخ صراااخ مووو طبيعي:eh_s(11):
مووو عارفه شفييييها
و اهيه صارلها فتره واااااااايد تبجي والله انهد حيلي منها اسم الله عليها :eh_s(2):
بجت ساعتين بدووون توقف :eh_s(2): وديتها الطبيب عند دكتور مصدق هواش بدار الشفا
كلللله نقس الحجي يقولي ياه ماكو شي يديد و يعطيني نفس الادويه والله صار عندي من كل دوا اربع :rgewrg:
يقولي بلغم بصدرها و اناعارفه هالموضوع من زمان و احد لها كمام بالبيت مرتين باليوم و مرات مره و قالي اذنها شوي ملتهبه و ما عطاني علاج لها اصلا !! و عطاني مضاد
رديت البيت عطيتها الادوية و نامت بعد موشح بجي طبعا :eh_s(2):
قامت ساعه 3 الفير تبجيييييييييييي سويتلها حليب شربته و قست حرارتها كانت 38.9 على طوووول عطيتها ادووول و خففت ملابسها و شلت الكمبل عنها و عقب شوي رجعت كللللللل الحلييييييب مو ترجيع عادي :eh_s(2): كله طلع من حلجها و خشمها مثل الماااااي و وااااايد :eh_s(11):
قعدت لي اربع و نص تحن وحاولت عقب ساعه اعطيها حليب مااااتبي تطلع المميه و تبجي :eh_s(2):
نامت و قامت 8 قست حرارتها 38 :eh_s(11): عطيتها ادووول مره ثانيه و شربتها حليب ردت رجعت كلللل شي و هم كان مثل المااااااي مو ترجيع عادي و اول مره ترجع جذييييييييييييي :eh_s(2):
قمت غسلتها و بدلتها وخليتها بحظني:eh_s(2)::yaaaaaarb: و انا حدددي خايفه من الحرااااره لاني كل ما اعطيها ادووول ترجعه يعني جني مااا عطيتها
على الله و على تخفيف الملابس و الكمادات الفاتره
و الممرضه امس لمه طعمتها قالتلي كل 4 ساعات لازم ادول عشان الحرارة
و توه شربت نص مميه يعني ستين مل بس:eh_s(2): و نامت
واللله مادري شسوي وين اوديها متو تعرف دكتووور شااااطر مليت من نفس الكلام
احس بنتي فيها شي صايره واايد تبجي حتى قبل لا اطعمها وااايد تحن و بجيها بطريقه غريبه مو بجي عادي جنه احد طاااقها تتشنج من البجي و هم وديتها عند 3 دكاتره بًويال حياة يقولولي مافيها شي و سويتلها اشعه و سونار و تحاليل قبل شهر هم قالولي مافيها شي
قرقت وااايد بس شسوي والله حدي مقهوووره عليها و بديت امتحانات بالجامعه وانا مو فااااجه ولا كتاب ليلحين :eh_s(2):
خالتي مو مقصره تاخذها مني و تقولي ذوحي نامي او درسي و خليها عندي بس تبجي تبجي واااايد الي اقووم اخذها عشان تسكت و مسكينه خالتي بروحها فيها ضغط و مره عوده زين منها تتحملها
مسكينه امس تقولي الله يعينج يمه انا يبت 4 ولا واحد جذي اذاني :eh_s(11):
الحمدلله على كل حال و الله يخليلي ياها يارب و يشافيها:eh_s(2):
ناطره مساعداتكم و اقتراحاتكم و كل شي بليز كل الي تدش ترد علي:eh_s(10):
