احلام الحامل ، و علاقتها بجنس المولود ،، تفضلوا اقروا و شاركونا

السلام عليكم ،،




وايد سمعنا ان في اشياء تبين جنس المولود
مثلا من خلال شكل البطن
يقولون اللي بطنها بالطول يعني ولد
و اللي بطنها بالعرض يعني بنت

و اللي يقول من النساة يبين
ان اللي تشتهي حوامض و موالح يكون فيها ولد
و اللي تاكل الحلو و الكاكاو يعني فيها بنت


صراحه الاحظ هالشي صح على الاغلبيه
بس لكل قاعده شواذ يعني مو شرط الكل


و هم سمعنا ان الاحلام لها علاقه
بس يقولون لازم الحلم يكون بنومة الليل العاديه
ماتكون نومة عصر او قيلولة
ولا تكون نومة بعد قلق او حلم نتاج تفكير


فاليوم بحطلكم موضوع الاحلام يمعته من جم مكان و قلت اكتبه هني
و انطر تعليقاتكم


منو فيكم حلمت بشي و طلع فيها الجنس اللي يقولون عنه ؟
و هم بعد شاركونا بسالفة النساة ونوع الاكل شنو كانت تجربتكم ؟




و شكرااااااااااااا

تفضلوا :
طبعا هذا حلم الحامل نفسها /


اذا حلمتي ان شعرج طويل
يعني ولد


الحذاء يعني ولد

الذهب يعني بنت

الاخ او اي شيء يخصه من اغراضه عندج او عطاج ياه او شفتيه
يعني ولد

و الاخت او اي شيء من اغراضها او يخصها عندج او عطتج ياه
يعني بنت

نزول الدورة يعني راح تنجبين عكس ما تتمنين
يعني لو تبين بنت راح تيبين ولد والعكس صحيح

الخطبة اذا حلمتي ان خطبوج يعني ولد

حتى لو حلمتي انج تزوجتي ريلج مرة ثانيه يعني ولد

اذا حلمتي انج نايمة يم ابوج او ابو ريلج يعني ولد

اذا حلمتي انج نايمة يم وحده من اهلج من البنات يعني بنت

اذا حلمتي بمبلغ مادي اذا كان ينطق بمؤنث مثل مئة دينار يعني بنت

اذا حلمتي بمبلغ مادي اذا كان ينطق بمذكر مثل الف دينار يعني ولد

اذا حلمتي بوحده من اهل ريلج من الحريم قاعده معاج يعني المولود بنت

اذا حلمتي انج مع حماج تاكلين معاه يعني المولود ولد

حلم التفاح يعني ولد

توأم بنات يعني بتييبين ولد

السجاده بنت

الضرس ولد

المفتاح ولد

و لو عندكم اضافة حياكم
و مثل ماقلتلكم
قولوا تجاربكم مع مدى صحه الموضوع
و نبي تجاربكم بالاحلام والنساة و شنو يبتووو