فريقنا غريب .!!

السلام عليكم ورحمة الله وبركاته

ياجماعه انا مو زعلان اننا انهزمنا لان في شوط ثاني فالرياض بس اللي يزعلك

عدم الاحساس بالمسؤليه ..! يعني مدرب يلعب بدون مهاجم يحسب نفسه يدرب برشلونه

والاعبين مافي احترام للخصم نهائيأ والله ياجماعه الاتحاد نقدر نعديه بس اذا قابلت الاهلي او الشباب

وش بتسوي ..!! على بالك بتقدر تمسك اللعب كذا .!

صراحه العابد واضح واضح وضوح الشمس تأثيره هو وياسر فريق ماعنده مهاجم يعتمد عليه

اذا اصاب الاساسي والله حرام يعني اذا قابلنا لخويا القطري وياسر والعابد كانو مصابين

كم تتوقعون ناكلها .!!! القرني احسه زيادة عدد مدري هو يلعب مع الهلال ولا ضد الهلال

اما بالنسبة لسالم علامات استفاهم كبيرة على الاعب ذا اناني يبي يجيب هدف بأي طريقه

يتمتع لمن ينهي المباراة بكرت اصفر او احمر .!

والبيشي يوم يبدع و10 يجيب فيك العيد والله لو جلس على الزوري والشهراني ابرك

اخيرا المرشدي ياجماعه والله ثم والله هذا اللاعب نكبه نكبه نكبه يابن مساعد يكفي مجاملات

وفكنا من الاعب ذا ..!!

اتمنى ان الادارة تنزل الموضوع وماتمنعه لان مثل ماتخلي الجماهير يفرحون ويمجدون فالفريق فأوقات

الفوز يجب ان تعطيهم المجال لمناقشة مشاكل النادي عند الهزائم او الاوقات الصعبه لان موقع الزعيم متنفس

لعشاق الزعيم ...

وشكرا