اجازة مرافقة الزوج المبتعث عن طريق الجهات الحكومية - تأكيدي المضمون لكم بالقانون

السلام عليكم ورحمة الله وبركاته

بالبداية حبيت اطمن كل وحدة مفكرة انها تاخذ اجازة مرافقة الزوج

واهيه محتارة ومو عارفة للقانون وشنو الجديد والقديم وشنو اللي لها واللي عليها


بالبداية ،، كلامي كله مني انا وانا اضمنه لكم :eh_s(15):
بس طبعا الكلام ساري مفعولة من تاريخ الموضوع
عشان لا يقرونه بالمستقبل ويحسبونه جديد !!! او قديم

رفيجتي اللي انا حيل معاها توها ماخذه الاجازة وانا شفت اوراقها بنفسي
وانا بعد ماخذة اجازة مرافق زوج ،،

بالنسبة للقانون القديم !!!

كانت اللي تبي تاخذ الاجازة ــ

1- لازم انها تكون خادمة 6 اشهر في وظيفتها
2- تروح معاش او نص معاش ماني عارفة بالضبظ ؟؟
3- ولازم ولازم ولازم .....................

حجي واااايد ،،


اي وحده لو تروح ديوان الخدمة المدنية وتقول لهم ابي اجدد قانون لاجازة مرافقة الزوج

محد راح يعطيها الجديد وانا رايحة بنفسي وكشفتهم
وانصدمو لما درو ان عندي ورقة القانون الجديد

" الله يجازي كل انسان غير مخلص في عملة "

المهم القانون الجديد يقول


انج تقدرين انج تقدمين وتاخذين الاجازة بعد 24 ساعه من مباشرة العمل !!!!!!!!!!!!!!!!!! حق اللي توها متوظفة

وانج تاخذينها براتب كاااااااااااااااااااااااا ااااامل لا زايد دينار ولا ناقص دينار

وتنحسسسسسب لج الخدمة طول ما انتي بالاجازة //:eh_s(15):

بس تكون بموافقة رئيس عملج
يعني اذا كان عنده نقص في ادارته ؟؟ له الحق ان يرفض الاجازة
بس ما اتوقع في انسان راح يرفض لان هذا حقج وحرام زوجج منو يساعده بغربته ؟؟

انا بالنسبة لي مديرة مدرستي ما قصرت الله يعافيها


لكننننننن "" ملاااااحظة كبيرة كبر السما بالنسبة للراتب مع الاجازة ""

اذا كان زوجج مبتعث عن طريق الحكومة والجهات التابعه للحكومة
مثلا " مبتعث من الديوان ، جامعة الكويت ، التطبيقي ،............... الخ

واذا مدة بقاءه في البعثة لا تقل عن 6 شهور

يعني اذا مبتعث 6شهور او اكثر ؟؟ تاخذين معاش كامل !!!!!!!!!!!!! مكمممممل


وانا شخصيا اعرف 3 بنات
باشرو عملهم اليوم
وبنفس اليوم قدمو على الاجازة

:eh_s(7):

الحححححححححين ؟؟ شنو الاوراق المطلووووووبة ؟؟ و وين تقدمينها يا معلمة //


تاخذين شهادة لمن يهمه الامر من جهة دوام زوجج بانه مبتعث ومدة البعثة ،،
وتكون مختومة وعليها ظوابع


وتروحين للشؤون التعليمية او الوظيفية في مدرستج او وزارتج او جهة عملج


وتاخذين منهم ورقة الاجازة مالتج توقع عليها الناظرة : او رئيس عملج ،،


وتروحين للمنطقة التعليمية التابعه لج ،، وتوقعين هالورقة من الشؤون الوظيفية

وتودينها قسم الاجازات ،، واهمه يقومون بعملهم انهم يدخلونه بالسستم انج باجازة



هذا كلام اطمن فيه كل وحدة كانت ايدها على قلبها وتحاتي هالموضوع

لاني كنت وحده من اللي لاعت جبدهم من الاشاعات والكلام اللي مومضمون

وحسد الناس اللي عساهم ما درو ان الوحده ماخذه هالاجازة حسدوها ؟؟ مايدرون
انها تعاني ومن حقها شتسوي بعد ؟؟؟؟ زوجها ملزوم ياخذها وبنفس الوقت مستقبلها
ومعاشها بالوظيفة