دفاع الملكي اليوم 10 /10

مبروك للظفر بنتيجة الذهاب لكل عشاق الملكي وبأذن الله يكتمل هذا الفوز بحسم مباراة الاياب والتأهل لدور الاربعة .
كلنا اشدنا بالعمدة وتيسير والمسيليم على ماقدموه اليوم وبالتأكيد يستاهلو هذه الاشادة ..
ولكن نسينا ان نشيد بدفاعنا الراااائع اليوم وخاصة في الشوط الثاني فقد تحملو عبىء الهجوم والسيطرة النصراوية طوال الشوط الثاني ... ومثلما انتقدنا دفاعنا في الماضي جا الوقت اننا ننصفهم على ماقدموه من مستوى متميز اليوم .. ماشفنا اخطاء دفاعية كثيرة زي اللي كانت تصير في المباريات الماضية ماعدا يمكن غلطة وحده في بداية الشوط الثاني ( كورة السهلاوي اللي صدها المسيليم ) .. ماعدا ذلك كانو ماشاء الله عليهم متميزين ... حتى هدف النصر جا من تسديده من مسافة بعيده ولايتحملها الدفاع ابدا وحتى ضربة الجزاء النصراوية مشكوك في صحتها .
تحية كبيرة لخط دفاعنا وخصوصا اسامه هوساوي وكامل الموسى وعقيل بلغيث ....ماشاء الله تبارك الله ... تغطية سليمة وانسجام واضح وخصوصا بين اسامه وكامل وابعاد للكرات بدون فلسفة ... وتبادل للادوار في التغطية .... وبأذن الله يستمر هذا الاداء وهذا الانسجام الرائع بين اللاعبين