خلطة توحيد اللون المنزليه
السلام عليكم خواتي الكويتيات والسعوديات والإماراتيات والعربيات والمسلمات جميعآ
خلطتي معروفه صج قديمه لاكن ماشوف احد فاطن عليها الا القليل
او بمعنى اصح محد مهتم لها
بإختصار لإني بقوم أصلي المغرب
ليمون وزيت زيتون
اخذ 3 حبات ليمون عصريهم في باديه بلاستك
وكوب زيت زيتون متوسط الحجم
وخلطيهم لين يتجانس الخليط
بعدها عزكم الله فى دورة المياه قبل الإستحمام على جسم ناشف
غرقي كل جسمج بالخلطه وقعدي دلكي وسوي مساج لمدة نص ساعه
كامل الجسم والمؤخره الرقبه اللإبط الأيدي الأقدام الساق أطراف الاصابع القدم واليد
بعدها تسبحى بماي دافي وفركي جسمج بصابون مغربي اللي يكون مثل الهلام تشترينه من النسائم او مراكز التجميل
وفركي جسمج بالليفه المغربيه
لاكن الليفه المغربيه الخشنه مو كل يوم عشان مايتجرح الجسم
بالشهر مره بالنسبه لليفه المغربيه
وبالنسبه للخلطه ماالت الجسم سويها كل يوم وترك او كل يومين
وتسبحي بعدها بليفة بودي شوب واكتفي بالشاور جل العادي
مال بودي شوب
الليمون مايحتاي اقول فايدته
تفتيح طبيعي
توحيد لون الجسم
ازالة بقع الجسم الداكنه كالمؤخره والكوع والركب والعانه والإبط والرقبه
زيت الزيتون انذكر بالقرآن
فوايده لاتعد ولاتحصى
راح ينعم لج جسمج ويوخر خطوط الضعف والمتن
السترتش مارك
يفتح لون الركبه الغامج والكوع
وايد ممتازه هالطريقه
صج قديمه
بس وايد غافلين عنها
معنها موجوده بكل بيت
طبيعيه
مو كيماويه
رخيصه
لاكن
نتايجها
انا متأكده راح تذهلكم
مو بالسنه حسنه تسوونها
لأ
كل يوم وترك أو كل يومين
وبعد
شهر
بتلاحظين فرق السما عن الارض
وياليت تخلينها عاده لج
بالسبوح
مابي الا الدعوه الحلوه
منكم
واللى بتدعيلي لها بالمثل
لإن الملك يقول لما ندعي
ولك بالمثل
سامحوني عالإطاله
