ياملكنا فيك عز الوايلية = وفيك من شمر علاج المعتدي
[poem=font="Simplified Arabic,6,blue,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
ياعبدالله ماعطى الله أجوديّة = مثل ماالله قد عطى أمك أجودي
بشّرت بك بالزغاريد بْدويّة = وافرحت بك نجد قالت : ياسْعدي
جيت للدنيا وصرخاتك قويّة = كل مجدٍ قام يدعيك إولدي
إنت وجه الخير والنية مطية = لاتفكّر صافيَ القلب إيغدي
الرجولة لو هي إتْعَرْف الوصية = كان وصّتنا بدربك نقتدي
والكرم لوهو يجيد الأبجديّة = قال : عبد الله هو الكف الندي
الشجاعة لك من المولى عطيّة = هقوتك أبعد من إحدود الجدي
فيك زهد وفيك صدق وقابليّة = وفيك نور إيزيح ليلٍ سرمدي
فيك نظف القلب مع نفس ٍرضيّة = وفيك خفقة حُر لاقمت إتْحَدي
فيك شعبك سيّدي لاواهنيّه = غارقٍ بالخير والنوم قْهَدي
ياملكنا فيك عز الوايلية = وفيك من شمر علاج المعتدي
وفيك من قحطان زحفك للمنيّة = وفيك من حرب اتباعك للهدي
ومن عتيبة فيك حب الأسبقية = وخوة العجمان لك منها ودي
ومن مطير أخذت حكمة وألمعيّة = والظفير أعطوك بالٍ جرهدي
ومن بني شهران فيك الروح حيّة = ومن قبايل يام نطحات اللدي
ومن بني زهران طيب وآدمية = والدواسر يهتفولك : سيّدي
فيك من صحرا الشمال الشاعرية = وفيك من نجد الطهارة يابْعدي
ومن جنوب المملكة فيك الحمية = والقصيم أعطتك رايٍ مايْغدي
والهوى شرقي وابو متعب خويّه = ولجلها جدة بساطك أحمدي
كل شبر بديرتي مافيه زيّه = له جميع أرواحنا تذهب فدي
القبايل كلها عندي سويّه = مملكتنا مابها عرقٍ ردي
شعر \ حمدان بن سالم العنزي[/poem]
