طريقتي الثانيه بالفوتوتشيني

السلام عليكم


نزلت قبل طريقة فوتوتشيني بسيطه وسريعه

الحين بحطلكم طريقتي الثانيه وايد لذييذه وسهله



http://distilleryimage6.s3.amazonaws...0a1f97ea_7.jpg



مكونات :
ماشروم فريش
بصله مفرومه
ثوم مهروس
زبده زيت زيتون
فلفل اسود وملح
كريمه
جبنة ريكوتا
جبن بارمزان
مكعب ماجي
ليمون
صدور دجاج




الطريقه :
تفوحين صدور الدياي بماي ومكعب ماجي لمدة ربع ساعه فقط لاتنسين تشيلين الزفره اللي تطلع على سطح الماي بعدين تطلعين الصدور من الماي واتقطعينهم الطريقه اللي تبينها واترشين عليهم شوية طحين اتحطين بجدر نص اصبع زبده مع شوية زيت زيتون بعدين البصل بعدين الثوم لمن يذبلون اتحطين الدياي فوقهم خمس دقايق وحطي الماشروم فريش تكونين مقطعتهم شرائح رشي شوية فلفل اسود وملح دقيقه وحطي نص كوب ماي لمن تحسين الخليط صار كثيف شوي زيدي نص قلاص ثاني ماي وكوب كريمه وقفشه كبيره جبنة الريكوتا وشوية بارمزان خليهم عالنار شوي ليمن توصلين لكثافة الكريمه اللي تبينها بعدين حطي شوية ليمون تقريبا نص ليمونه وذوقي الكريمه اذا تبي زياده ملح او فلفل اسود اخر شي تكونين فايحه معكرونة الفيتوتشيني بماي وشوية زيت وملح تصفين منهم الماي واتحطين المعكرونه فوق الكريمه خليهم يطبخون عالنار مع بعض دقيقه او اقل وبالعافيه



http://distilleryimage2.s3.amazonaws...0a9f1935_7.jpg



اهني قطعت الماشروم شرائح ،، بعدين فحت صدور الدياي مع مكعب ماجي ،، بعدين طلعت الصدور من الماي وقطعتهم ورشيت عليهم شوية طحين ،، بجدر حطيت زبده وزيت زيتون




http://distilleryimage4.s3.amazonaws...0a1fac13_7.jpg



حمست بصله مفرومه وثوم بالزبده والزيت زيتون ، بعدين حطيت الدياي ليمن تحمر شوي حطيت الماشروم وملح وفلفل اسود ونص قلاص ماي



http://distilleryimage5.s3.amazonaws...0a1fbc1c_7.jpg


بس صار الخليط كثيف حطيت بعد نص قلاص ماي وكوب كريمه وقفشه كبيره جبن الريكوتا وبارمزان .... الصوص صار جاهز



http://distilleryimage10.s3.amazonaw...0a9f15db_7.jpg



تفوحين المعكرونه بماي وزيت وملح وبس تستوس المعكرونه اتصفينها من الماي واتحطينها بالجدر فوق الصوص خليها تطبخ شوي اقل من دقيقه



http://distilleryimage9.s3.amazonaws...0a1f8c32_7.jpg



وبالعااااافيه :*