رافيولي ب ثلاث انواع صلصات

http://distilleryimage1.s3.amazonaws...0a9f12f2_7.jpg




الرافيوولي اتحصلينه بالجمعيه بالثلاجه العاديه مو الفريزر
تفوحينه مع ماي وشوية زيت وملح


بعدين تحطينه على الصلصه اللي سويتيها راح اكتب اكثر من طريقه
خليهم يطبخون مع بعض اقل من دقيقه
ورشي فوقهم شوية بارمزان


الطريقه الاولى :

صلصة الفريدو البيضه بالدياي والماشروم

تحمسين ثومه كامله مهروسه واتحطين فوقها ماشروم فريش مقطعته الطريقه اللي تبينها
لاتطولين وايد عالنار لانه اذا طولتي ماي الماشروم راح ينشف
لازم ماي الماشروم يطلع من الماشروم وماينشف على شان لمن اظيف الكريمه ينخلط مع بعض ويعطي نكهة الماشروم
بعدين احط فلفل اسود ونص مكعب ماجي
بعدين الكريمه وارش شوية جبن بارمزان



الطريقه الثانيه :

البنك صوص

حمسي بصله مفرومه وشوية ثوم مهروس بعدين الماشروم
حطي نص معجون طماطم وشوية ماي وعلبة كريمه ورشي فلفل اسود وملح



الطريقه الثالثه :

صوص السباغيتي

تحمسين ثوم وبصله واتكونين مقطعه طماط صغار من غير القشر وتحمسينهم واترشين شوية اورغانو او اعشاب ايطاليه بعدين واحد معجون طماطم وقلاص ونص ماي
رشي ملح وفلفل اسود