مهمة سريه

السلام عليكم ورحمة الله وبركاته..

يارب توفق نادي الوطن المونديالي في كل المباريات ويفرحنا ويرجعونا للبطولات وايام التحدي مع كل الفرق من فريق العروبة المتاهل حاليا الى فريق الفتح الحاصل على البطوله..وترجع ايام السبع اهداف مع الفرق المتوسطه والثلاثه اهداف للفرق المنافسه.. وترجع ايام تحدي اصحابنا بالاستراحات وكنا نكسب التحدي قدامهم...
قولو امين..............

وحبيت اعرض تشكيله باذن الله ترجعنا لكل اللي اتمنيناه ومن دون اي تعب او نحتار ايش الطريقه المناسبه اللي نبي نلعب فيها لان كل الادوات اللي نبيها عندنا بس يبيلنا توظيف كل واحد بخانته والخانه اللي يحب الاعب يلعب فيها ويدافع عنها بكل قوه وكانه يقول جهتى انا مسؤول عنها وراح اكون قد المسؤوليه والباقي عليكم بس قولولي التوجيهات ومين اغطي وابشرو..ويتقسم الملعب حقنا كالتالي:
القرني لازم يوجه ويصارخ ويشجع زملائه كانه قائد لان الطريقه هذي دخله جو المباراه وحتى زملائه يتحمسون والخصم يجلس يفكر بكلامه ويتحطم. طريقه مجربه100%.
1)_نبدا بالاظهره وقلوب الدفاع. عرض الملعب 60 متر يتقسم على اربعه يعني كل لاعب يغطي 15م حقته ومسؤول عنها في حاله هجوم الخصم .ومايدخلو لاعبين على لاعب واحد خصوصا اذا كان الهجوم سريع ومهاري لان الاعبين يعتمدو على بعض والخصم وقتها يبي يتفنن وراح يستعرض.( العابد_ سالم الدوسري).
2)_المحاور اثنين ينقسم عرض الملعب يعني 30م لكل لاعب ومسؤول عنه مع تبادل الادوار حسب تحركات لاعبين الخصم وسرعتهم.مع مساعدة الاظهره والدفاع.(المحاور واحد فقط يقوم بالاشتراك مع اي مساحه تخص الدفاع او الاظهره يعني مثلا تحصل قلب دفاع+محور بمساحه 15م.والمحور الثاني يغطي مساحه زميله 60م.
3)_الوسط اثنين برضه ينقسم على 30م ويحرثو ملعب الخصم حرث.(مع مشاركه محور متقدم واحد فقط مع تبادل الادوار مع زميله المحور).
4)_الهجوم اثنين مع تمركز لاعب واحد بالصندوق ومايطلع منه ابدا وزميله يتحرك خارج الصندوق والاطراف لكي يسمح لزميله المهاجم بسهوله التحرك داخل الصندوق. مع مساعدة الوسط. وباذن الله راح ناكل اي فريق بعد توفيق لله ووجود الروح لدى الاعبين.
اسماء الاعبين: القرني
الشربيني_العسيري_ المولد_الطريدي
ابو سبعان_كريري
ساندرو_ الفريدي
هزازي _ عبدالفتاح ع
(راس حربه) (هجوم حر)
البدلاء امبامبي بدل بوسبعان_ فهد المولد بدل الفريدي.مع تغيير ادوار عبدالفتاح يرجع مكان الفريدي والمولد يصير هجوم مع نايف.
وبخصوص نايف هزازي تكفون اللي يعرفه يقوله لاترجع لنص ملعبنا وتستلم كور خليك بالصندوق وخليك 10 متسلل ومره هدف . اللي يرجع ويستلم من الوسط عبدالفتاح او المولد المهاجم الثاني اللي نبيه منك خليك مسنتر بالصندوق والله راح تسجل ويرجع نايف اللي نعرفه.

ومباراتنا مع الهلال نفس الطريقه بس يبيلنا نمسك ابو سبعان وخليه مع سالم الدوسري ونقوله لاتلعب على رجل الاعب والله مستواك احسن منهم بس ركز شوي نبي اخطاء احترافيه ترفع ضغطهم وبدون كروت.وكريري مع العابد بنفس الطريقه.وساندرو مع الوسط الشلهوب وقتها راح وسلي يرجع الوسط يستلم كوره كل هالحركه عشان اللي راح يسجل العابد او سالم وهم ماهم هجوم بس عمل وسلي فراغات وسحب محور معاه وخل العابد لوحده قدام الظهير لحاله او قلب الدفاع لحاله هذا اسلوبهم. اللي نبيه اذا وسلي رجع واستلم كوره يحبسه الوسط والشلهوب الفريدي يحبسه.حقنا والمحاور والاظهره زي ماهم .
الوسط الهلالي اي كوره يستلمها من لاعب لازم يرجعها له مثل الشلهوب استلم كوره من العابد لازم الشلهوب يرجعها له.

اسف على الاطاله بس من القهر كل مبارياتنا مع الهلال ننهزم بنفس الطريقه ونفس الخطه حقتهم.
الهلال حبس العابد الدوسري الشلهوب لو يجلسون بالدكه اجلس عندهم خليك معاهم زي ظلهم. والله مايفزون علينا بس الله يهدي لاعبتنا يدونهم مساحات وهم يحبون المساحات الكبيره لانهم سرعه ومهاره.

ياارب وفق عميدنا بكل مبارياتة من دون اي خسائر.:a