باستا بالدجاج والخضار من ايدي ~

السلام عليكم
اخباركم ويسعد مساكم
من زمان ماشاركت بهالقسم المميز واليوم قررت انزل هالطبق وان شاء الله ينال ع رضاكم

المقادير

نصف كيس مكرونة اي نوع ( انا خلطت نوعين طويلة مع ورود )
صدر دياي مقطع مكعبات صغيرة
بصلة مقطعه جوانح
خضار مقطعه بالطول ( جزر - كوسا - فلفل بكل الالوان اخضر واصفر واحمر - طماط )
بروكلي او قرنبيط
زيتون
مشروم
جبن مبشور
3 ملاعق زيت
ملح وبهارات
كوب ماء

الصلصات المطلوبة ( حمراء + بيضاء )

4 ملاعق من صلصة الباستا

صوص باشميل

الطريقة

1- نسلق المكرونة بماء وملح ونخليها ع جنب
2- ناخذ مقلاة كبيرة ونحط فيها 3 ملاعق زيت ونبدأ بتشويح البصل لغاية مايتغير لونه ونضيف قطع الدياي له ونستمر بالتقليب لغاية مانشوف لون الدياي صار ابيض نضيف كل الخضار ونستمر بالتقليب مع اضافة الملح والبهارات المرغوبة وعقبها نضيف نصف كوب الماء ونخلي الخضار يتشربه عقب نقفل النار
3- نحضر خلطة الباشميل انا استخدمت نص كيس باشميل ماجي اضافة الحليب والجبن طبعا
4- نحضر جدر ع نار هادئة نحط المكرونة ونضيف لها نص كوب ماء وفوقها 4 ملاعق صلصة الباستا وبعدين الخضار ونخلطهم مع بعض وبعدين صوص الباشميل وشوية جبن مبشور عشان يذوب واحنا نخلطهم مع بعض ونقفل النار عقبها

وهذا الشكل النهائي لها

http://2intime.net/file/direct/t/53181365775636

ان شاء الله عجبتكم
بالعافيه :eh_s(17):