كنت ساكت وصابر لكن بعد تتويج الفتح امس جن جنوني

كنت صابر وعاذر الادارة واللاعبين من باب حب الفريق وعشرة عمر مع تشجيع النادي منذ اكثر من 35 عام لكن ماشاهدته امس بمباراة الهلال وتهالك الدفاع خاصة جفين والموسى وثقل وزن معتز ادركت اننا امام فريق كمال اجسام وليس لاعبي كرة قدم !! وماصاابني من قهر وانا اشوف الفتح يتوج بالدوري جعلي اخرج عن طوري واحس بغصه والسبب تشترك فيه الادارة واللاعبين
اذا كنتم تقولون موضوعك ماله داعي تعالوا وجاوبوني :
ايش سوت الادارة بعد خسارة كاس اسيا ؟
وين الروح عند اللاعبين ؟
والسؤال المهم : ليش الادارة ترضخ للاعبين يوم يتشرطون عليها حين تجديد العقد ؟
ياخوي اللي يبي النادي ويحبه يجلس واللي مايبي الباب يوسع جمل .
وربي بفلوسك اجيب افضل لاعب اوروبي ومبلغ اقل ولاعب حماسي ومهاري مو مثلكم ’’’
ليش الفتح حقق الدوري وماله غير خمس سنين فيه ؟
وين راحت ملاايين الفريق والتي تعادل ميزانية خمس اندية من دورينا ؟
ليش الاهلي يوم يسجل هدف يتراجع ؟
ليش اللاعبين انهزاااميين خاصة امااام الهلال يتحول الفريق الى حمل وديع للهلال ؟
ليش اللاعبين لم يستطيعووا تحقيق الدوري رغم قوة الامكااانيات التي توفرت لهم ؟
وربي وربي وربي لو تهيأت هذه الامكانيات لاي فريق اخر لحقق كاس اسيا مو الدوري وبس
اخيرا اتمنى من الادارة الابقاء على الافضل والذي يحب ان يخدم الفريق ولا نريد اللاعب الذي يتشرط على الادارة وهو مايسوى قرشين .

اتمنى من الادارة تطبيق مبدا الحزم والثواب والعقاب وخل الدلال ع جنب ,, واللي مايبينا مانبيه
يعني الادارة ماتعطي اللاعب اكثر من حجمه ,, انت تاخذ فلوس صح ,, لكن اعطيني مثل ما اعطيك والا شوف لك غيري والشدة مطلوووبة خاصة مع لاعبي الاهلي احسهم تدللوا زيادة واخذوا اكبر من حجمهم .

وبصراحة كرهت الاهلي من لاعبيه وادارته