مهمومة؟؟ خايفه؟؟ ضايق صدرك..اتفضلي وان شاء الله تطلعين راضيه ^^

السلام عليكم ورحمه الله وبركاته ^^


كيفكم يا حلوين :eh_s(17):

اليوم قررت اكتب هالموضوع...واسال الله ان يكون تخفيفا لهم كل مهمومه تقرا

شوفو يا بنات

انا مثلي مثلكم ومثل كل الناس عندي هموم ومشاكل..ولي كم يوم وانا الف وادور في هالقسم واستفدت واااااايد من مواضيع البنات جزاهم الله كل خير

انا بتكلم عن فضل قيام الليل...والاستغفار..والصدقه. ..والدعاء بظهر الغيب

اولا قيام الليل.....

يعني لو بتكلم من اليوم لين باجر ولين بعد سنه ولين اخر عمري ما بوفي حق قيام الليل..يا بنات الله يهدينا احنا غافلين عن هالنعمه..

يعني بقلكم مثال..تخيلي حاكم دوله كل يوم... وركزي على كل يوم..يروح يدق بيت الناس الي يحكمهم..بيت بيت..ويكلم كل شخص لحاله...ويقوله اطلب الي تبيه..وانا بسويلك اياه... طبعا مستحيل ملك من ملوك الدنيا يسويها...لكن الي يسويها ملك الملووووووك...عارفين عظمه هالكلمه...ملك الملووووك..ينزل بنفسه الى السماء الدنيا كل ليله...ويقول هل من سائل فاعطيه...هل من مستغفر فاغفر له..يالله...واحنا نايمين...نصحى ننذل للمدير ولا الحاكم ولا اولياء الامور عشان يقضون شغلاتنا...

يا اخواتي سهام الليل لا تخطئ...ربنا قال وعزتي وجلالي لانصرنك ولو بعد حين..ربنا حلف بعزته وجلاله...وقال لانصرنك...بس احنا يا بنات الي ما عندنا صبر وندعي يومين ونمل..مع اني سمعت في اليوتيوب واحد يقول اعرف انه في الوقت الي تمل فيه من الدعاء ...ان دعائك قرب يستجاب بس الشيطان هو الي يوسوس لك عشان تفقد الثقه بالله والعياذ بالله...

يا حبيبتي اذا كنتي مظلومه...تبين تتزوجين...تتوظفين..تحملين...ت كملين دراستج..تصيرين تاجره...اي شي اي شي يخطر على بالج ما يكثر على الله عز وجل

ان الله على كل شي قدير...قادر يبدل حالج في لحظه...امر الله سبحانه وتعالى بين الكاف والنون...اذا اراد شيئا قال لك كن فيكون... ^^ شفتو كيف الله رحيم بعباده

ابيج من اليوم تقررين ما تتركين قيام الليل...حتى لو ركعتين بس...وادعي الله ان يعلق قلبج بقيام الليل..اسجدي،،،ابكي،،قولي كل الي بخاطرج...فضفضي للي اقرب لج من حبل الوريد...الي احن عليج من امج..قوليله الي تستحين تقولينه للبشر..هو قادر على كل شي سبحانه..

هذا مقطع رائع انصحك تشوفينه عن قيام الليل

‫كيف تتعامل مع الله إذا نزل إلى السماء الدنيا ؟ الحلقة:19:‬‎ - YouTube

ثاني شي الاستغفار

اكيد كلنا قرينا قصص عن فضل الاستغفار..بس شو مشكلتنا...نواصل كم يوم...او اسبوع...و شوي شوي نبتدي نمل..صح...وانا مثلكم...بس الحين خلاص قررت استمر والله يقدرني ويقدركم قولو امييييين...

استغفري وانتي تطبخين...تمشين ولا ترتبين البيت...تسوقين..خلي كل يومج استتغفار...شوي شوي لسانج بيتعود...

انتي شدراج يمكن في ذنب سويتيه يمنع استجابه دعائج

استغفري وقولي اللهم اغفر للمؤمنين والمؤمنات والمسلمين والمسلمات الاحياء منهم والاموات..تخيلي ينكتب لج بكل مؤمن ومؤمن حسنه ^^ يالله ما ارحم ربنا وما اعظم هالدين

ثالثا الصدقه

الرسول صلى الله عليه وسلم قال داوو مرضاكم بالصدقه...والصدقه تطفئ غضب الرب..

يالله ما اعظمها..الصدقه رحمه النا...وانا انصح انها تكون بالسر..فضلها اعظم

مو شرط انج تتصدقين بمبلغ كبير...كل واحد وطاقته يا بنات...وبعد مو شرط انه بالفلوس...حتى لو خليتي بسيارتج كرتون ماي...وتوزعين حق العمال الي يشتغلون بالحر.... ^^ انا افكر افتح موضوع عن الصدقه نحط فيه افكار البنات

او تحطين لج حصاله وكل يوم او كم يوم تحطين فيها شي بسيط الي تقدرين عليه...وبعد فتره تعطين الفلوس لحد محتاج...حتى لو المبلغ مو كبير صدقيني بتفرق معاه

وبعد...ابتسامك في وجه اخيك صدقه...اماطه الاذى عن الطريق صدقه

واخيرا يا حلوينالدعاء بظهر الغيب

يالله ما اعظمه...كلكم تعرفون ان في ملك يقول ولك بالمثل...على كل دعاء تدعينه لغيرج... يعني الي خاطرج فيه ادعيه لغيرج...مثلا تقولين اللهم استر علي وعلى بنات المسلمين وارزقنا الازواج الصالحين وحصن فروجنا...الملك يرد ولك بالمثل.. ^^ وبالطبعا دعاء الملك مستجاب بعد امر الله

خاطرج بوظيفه ادعي للناس الي ما توظفو ولنفسج بعد

خاطرج تحملين ادعى لكل من ترغب بالحمل

خاطرج بالشفاء ادعي لكل مرضى المسلمين

الدعاء بظهر الغيب يا بنات يصفى النفوس..حتى لو معصبه على حد ادعى الله يهديه بدل ما تدعين عليه

يعني تخيلي تدعين على حد والعياذ بالله..تقولين يارب ما تتوفق ويارب يصيرلك ويصيرلك...يا حبيبتي انتي تدمرين نفسج في ملك يقول ولك بالمثل !!! شفتي

ابيج من اليوم ورايح تاخذين قرار ما تدعين على حد مهما صار...واذا كنتي مظلومه ارجعي لجزئيه قيام الليل،،واحتسبي الاجر عند الله وهو بيعوضج خير ^^

مقطع عن الدعاء بظهر الغيب
‫فضل الدعاء بظهر الغيب - نبيل العوضي‬‎ - YouTube


واخيرا هذا يا بنات الي قدرت عليه الحين فان اصبت فمن الله وان اخطات فمن نفسي والشيطان

الله يهديكم يا بنات ويستر عليكم دنيا واخره ويسعد قلبكم ويرزقكم ما تتمنون

انا مسامحه لو اي وحده تبغي تنقل الموضوع منتدى ثاني ^^

و ياريت لو البنات يشاركونا قصصهم ^^

ادعولي يا بنات بالزوج الصالح والتوفيق في الدراسه وان الله يحنن قلب امي علي... ولكم بالمثل ان شاء الله

استودعكم الله الذي لا تضيع ودائعه

ايي تذكرت...انصحكم تشوفون هالمقطع...اقل من ٤ دقايق ^^

http://www.youtube.com/watch?v=ddn8yOCmsZo