المصحف والسيارة
هذه القصة لشاب أو بالأصح لطالب في المرحلة الثانوية كان ذلك الشاب يعيش هو ووالده في المنزل بمفردهما وفي جلسة حديث بين الوالد وولده طلب الأب من إبنه أن يجتهد في دراسته لأنه كان في أخر مرحلة من الثانوية، وإذا نال أعلى الدرجات له مايشاء..
وسأل الأب إبنه؟؟ماذا تريد أن أهديك يوم تخرجك؟؟ ((طبعاً تعرفو شاب وتوه متخرج والإجازة جايه))على طول قال: أبغى سيارة آآآآآآآآآآآآآخر موديل.
قال الوالد :أيشر ياولدي بس إنت شد حيلك
وكان الولد من النوع إللي يسهرمع أصحابو طول الليل بس قال في نفسه أنا لازم أبطل من السهر وأشد حيلي ولمن تجي السيارة أعوض كل دي السهرات إللي فاتتني (( طبعاً حرم نفسه من السهرات عشان خاطر السيارة))
وصار الولد يذاكر ويذاكر طول الليل ومايضيع ولا لحظة وحدة والوالد مستغرب من ولده مو العادة يجلس في البيت ويذاكر بهذي الطريقة وكل دا عشان خااااااااااااطر؟؟؟؟؟؟؟
وجات أيام الإختبارات وكان الولد يرجع من الإختبار وهو مبسوط والإبتسامة بتشق فمه،،،،،،،وكان الوالد يسأله هااااااااااااااااه كيف الإختبار؟؟والولد يقول:والله تمام مافي أحلى من كده
وجا آآآآآآآآآآآآآآآآآخر يوم في الإحتباروالولد طبعاً خرج من الإختبار مبسوط وفرحان زي الأيام إللي قبلها...
وطلعت النتائج في الجريدة.. (( مو قلتلكم ثانوية عاااااااااااااااااااااااا امة))
وكان الولد ذاك اليوم واقف عند باب البقالة يستناها تفتح عشان يشتري الجريدة (( لويدري صاحب البقالة كان أعطاه المفتاح من أمس)) هههههههههه
المهم..
فتح الولد الجريدة ولقى إسمو من الناجحين الأوائل وراح جرررررررررري على البيت وبشر ابوه المسكين إللي جالس يستنى ولده على أحر من الجمروطبعاً الوالد كان مرررررررررررة مبسوط بنتيجة ولده ،، وقالوا الولد :هاااااااااااااا أبويا لاتنسى وعدك
قال الأب : أبشر ياولدي أنا وعدتك
ومرت الأيااااااام والولد........... ينتظر وينتظر وينتظر
وجاء اليوم المنتظروكان الشاب جالس في غرفته ودخل عليه أبوه وقالوا: أتفضل ياولدي دي الهدية إللي وعدتك بيها..........
وأعطاه علبة صغيرة
طاااااااالع الولد في ابوه و قال: أبويا ايش دا؟؟قال أفتحها وشوف بنفسك فتح الولد العلبة، إيش تتوقعو لقى؟؟؟؟
لقى مصحف(كتاب الله) صغير وجميل
ايش تتوقعو ردة فعل الولد؟؟؟...................... يالطيف يارب
رمى العلبه على أبوه وقالوا: أبويا أقلك جيب لي سيارة تقوم تجيب لي مصحف
وطلع الولد من البيت وغاااااااااب عن المنزل فترة طويلة وبعد عشرين سنة رجع للبيت بعد ماسمع إنو أبوه ((مااااااااااااااااااااااا ااات))
يالطيف حتى ماكان يبغى يرجع إلا بعد ماعرف إن أبوه ماااااااااااات
وأول مادخل البيت على طول راح على غرفته وأول مادخل جات عينه على المصحف إللي رماه على أبوه لقااااه على حاله كأنو الموضوع صار أمس اتوجه نحو المصحف ورفعه ولاحظ إنو في حاجة غريبة في المصحف إيش تتوقعو شااااااااااااااااااف؟؟؟؟
لقى مفتاااااااااااااح السيارة داخل المصحف
أنصدم الولد من إللي شاااااااااااافه وأنهمرت عيناه بالدمووووووع وندم على مافعلة مع والده فهو لايعلم هل مات والده وهو راض عنه أم غضبان عليه.. وأخذ يدعو الله بأن يسامحه ..
بس بعد إيييييييييييييييييش؟؟؟؟؟؟ ؟؟؟؟؟؟؟؟؟
الله يتوب علينا وعلى المسلمين
