نصايح محشش للصبايا اللي بدهن يتزوجوا

فيه واحد مجنون (أكيد ما أنا) عمل مجموعة نصائح للفتيات حبيت قدمها بأسلوبي وإنشاء الله تعجبكم

نصائح المجنون لكل فتاة بدها تنخطب

قال ياسيدي هادا المجنون عمل مجموعة نصائح للبنات لإنو لاحظ زيادة ظاهرة النعوسة !!! عفوا العنوسة عند البنات

والنصائح هي كالتالي


أولاً
الشب بحب البنت الناعمة ...
مشان الله رققي صوتك لما بتحكيه أقصى ما تغضري..
وإذا شفتي مثلاً صرصور أو نملة لامن تمك ولا من كمك يعني إعملي نفسك إغمي عليكي على طول..
ولازم كمان تبكي لأقل شغلة بسيطة مشان يفكر إنو حسك مرهف

ثانياً
الشب بحب البنت المموضة يعني ياللي ماشية على الموضة...
لذلك شو مابتشوفي موضة قلديها شو ماكانت على العمياني... قالولك الموضة هلأ الشعر الأصفر إضربي
شعرك وش أصفر.........طلعت موضة الشعرالقصير عطيها بالموس وعلى الصفر.. وإذا بدك تعرفي شو هي
الموضة هلأ قلدي أي مذيعة تلفزيون لبنانية أوفتحي قناة ميلودي وقلدي أي مطربة عم تنط

ثالثأ
الشب بحب البنت الرومانسية..
سبليلو عيونك ، وإرخي بدنك.. وإصفني كتير..وصيري حكي حالك على أساس إنك بدنيا ثانية وعلى اساس إنك حالمة
بس ما تزوديها مشان مايفكر معك إنفصام بالشخصية..وحاولي تحكي دائماً عن القمر والنجوم والشجر والطبيعة..
بس وطي صوتك كتير وإنتي بتحكيه وخليه على طول يقولك شو .؟؟ شو قلتي ما سمعت؟؟


رابعاً
الشب بحب البنت المؤدبة والخجولة .....
،إلطشي حالك كام كف ، وقروصي خدودك لما بيجي لعندكون مشان يفكر إنك حمريتي من الخجل ، ولما بتحكي معو كذبي
وقوليلو إنو هوي أول واحد بحياتك.وإنك بحياتك ما حكيتي شب ... حتى و لو كنتي متزوجة قبل
بمرة ومتطلقة .

خامساً
الشب بحب البنت الفرايحية......
إبتسمي على طول لما بتشوفيه.. بس ماتزوديها مشان مايفكر معك بلاهة منغولية.. وفهميه إنك مبسوطة بشوفتو
والأرض ما سايعتك من الفرحة.. وإذا حكى نكتة بايخة إضحكي بس ضحكة خفيفة بصوت واطي كتير بدون قهقة ولا يوصل
صوتك لآخر الشارع وما تخليه يحس إنو ضحكتك مصطنعة

سادسا
الشب بحب البنت الدلوعة الغنجة...
إتدلعي يا خيتو وتغنجي قد ما الله بقدرك ولا تصيري خشنة وجلفة مثل اللوح.. وإذا مشيتي قدامو تغنجي شوية صغيرة
بس ما تزيديها كتير مشان ما يفكرك مخلوعة


سابعاً
الشب بحب البنت الجذابة اللي هي محور إهتمام الآخرين .......
قوليلو كام واحد قتلو حالهم مشانك ،، وقوليلو عن إبن الجيران اللي حاول الإنتحار عشان خاطرك ، وحكيلو عن الناس
بالشارع اللي راح ياكلوكي .... غير الزمامير والمحارشات لما بتطلعي من المدرسة


ثامناً
الشب بحب البنت اللي بتحسسو برجولته ...
قوليلو شو هالعضلات يا أبضاي ... هاي أحلى عضلات شفتها بحياتي ولا عضلات أرنولد
وقوليلو لون جراباتك كتير متناسب مع لون وجهك..عفواً مع لون قميصك يا الله ما أحلى ذوقك بالتنقاي


تاسعاًً
الشب بحب البنت المثقفة .. ...]
قبل ما يجي حفظي إسم شي كتاب مهم وإسم المؤلف حرفياً ، وقري فهرس الكتاب والمقدمة وفهمي عن شو
بيحكي الكتاب. وقولي إنو هدا آخر كتاب قريتيه ،، وإنو هوايتك المطالعة ومابتهتمي كتير بالتلفزيون وهالتفاهات ، بس
لا تحطي نظارات وتندمجي كتير بالموضوع مشان ما يفكر إنك مهووسة كتب ومعقدة ومانك مهتمة فيه


[color=#CC0066]عاشراً
الشب بحب البنت الموجودة دائما في حياته وكابسة على نفسو
إكبسي على نفسو يا خيتو إكبسي .....
عملي مثل اللزقة وطبي على قلبو طبتك العافية ، وكل مابروح لمحل طلعيلو بالسحبة، لحتى يكره حياتو هادا من
عداالموبايلات ورسائل الجوال والإيميلات خليه يقول لعمى يا جماعة جوزوني راح جين يا عالم يا هوه بدي أخلص



ما بعرف إذا راح تعجبكون هالنصائح على كل حال إذا طبقتو هالنصائح هاي وإنخبطتو ... قصدي إنخطبتو فيه كمان تكفاية بعنوان


للآنسه المخطوبه...عشان ماتتفركش الخطوبه..

ما

اقتباس:

---

بعرف إذا راح تعجبكون هالنصائح على كل حال إذا طبقتو هالنصائح هاي وإنخبطتو ... قصدي إنخطبتو فيه كمان تكفاية بعنوان


للآنسه المخطوبه...عشان ماتتفركش الخطوبه

---

اخى ابن ناس
جزاك الله خيرا على
هذا التصنيف الرائع
وتبقى الاخلاق هى الاهم
قال الرسول محمد صلى الله عليه وسلم(تخيروا لنطفكم فان العرق دساس)
: :(تنكح المرأة لأربع:لمالها و لحسبها و لجمالها و لدينها فاظفر بذات الدين تربت يداك)،
( إذا أتاكم من ترضون دينه وخلقه فأنكحوه إلا تفعلوا تكن فتنة في الأرض وفساد كبير)،
وبهذا يكون قد حدد النبي (صلى الله عليه وسلم) أهم الخصال التي تجعل الرجل كفئاً ومناسباً وأهلاً للزواج منها وهي : الدين والأخلاق.
ثانياً: المعايير الإجتماعية لإختيار الشريك : وهي الشكل, والحالة الإقتصادية والعمل والناحية الثقافية.
تحياتى لك
اختك نور الايمان