بنات تكفون ابي حل نفسيتي تعبت من السمار :(

السلام عليكم


شلونكم بنات ؟
انا من زمان اتابع كويتيات وكان عندي يوزر بس نسيت كلمة السر
وسجلت بالمنتدى مخصوص عشان اطرح مشكلتي واتمنى القا الحل ..

انا سممررره سمره حيل والشي هذا حيل حيل عقدني
جاتني حاله نفسيه من سماري !!
اللي يقهر امي وخواتي وحتى اخواني كلهم كلهم بيض
انا الوحيده السمرره .. !!
واهلي كلهم بالبيت يتطنزون يالسيلانيه يالاثيوبيه انا اضحك وعادي بس بيني وبين نفسي انجرح واتحسس لدرجه صار عندي حلم ان لوني يتغير واصير بيضه :(
المشكله الموضوع تعدا البيت حتى رفيجاتي اللي امون عليهم ساعات ينادوني يالبده عشان يغثوني
وساعات يقولون ليش ما تسوين خلطات وحمام مغربي .. الخ
ما يدرون اني طاحسسسسه بين الخلطات والحمامات المغربيه وبس قاعده وافرك بهالجسم

الوان الملابس مافي شي يلوق لي بس اسود وبني والوان الكآبه هذي ودي البس شي ع سني شي فرايحي كلش ما اقدر يطلعني كاني سيلانيه :'(

والمكياج مو لايق ع بشرتي كلششش ان سمرتها طلعت جني سيلانيه وان فتحتها طلعت جني زومبي لوني رمادي ومشووهب ..


ابي حل تكفون كل شي جربته الحين مفكره اجرب حبوب التبييض
بلييز لحد يقولي السسمار حلو والسمر حلوين كلام شبعت منه وربي والحقيقه كلنا عارفينها
وادري انها خلقة ربي بس وربي لوني مو بس اسمر مثل لون السيلانيات تحسين انج وصخه تحسين فيه ترسبات وصصخ كثر ما تفركت وكثر ما اهتميت بترطيب جسمي ماشوف فيه شي تغير ..



تكفون بنات اللي عندها حل لا تقصر معاي نفسيتي تعبت من كثر ما دورا حل للمشكله هذي
ودي البس واكشخ واحط ميك اب مثل الناس
وربي حلم اني اطلع كشخه مع ان ملامحي مملوحه وجسمي وبشرتي ناعمه بس مشكلتي السمار