انتظركم بفارغ الصبر !!

السلام عليكم بنات شحالكم؟

عندي مشاكل واللي مختصة وتعرف هذي السوالف ومجربة تي هني ابيها وانتظرها بفارغ الصبر

بنات عندي مشكلة وهي انه فخوذي فيه علامات من الملابس الداخلية وحتى لما البس ستيان وعقب افصخه عسب اسبح اجوف فيه علامات وتوهقت شلون تروح هذي وليش جي يصير لا تقولون طبيعي !!! ههه :D:D

اولا والمشكلة اللي عذبتني هي : احس بطني فيه غازات مادري غازات ولا شو لكن ماعندي كرشة بس صغيرة مرة يعني الفشلة لما اكون بالمدرسة احس اييني ريح اعزكم الله ولما اروح اتوضا قبل ما يأذن صلاة الظهر واكون مخلصة وضوء بعد كم دقيقة او جي احس نفس الغازات يعني كانه بطني مليان واحيانا احبس نفسي وما اروح اصلي والله فشلة والمشكلة اني ارجع من المدرسة الساعة 3 وعقب يدخل صلاة العصر >_< بلييز شو الحل ؟ في شي انا غلط اسويه او فيني مرض معين؟
مع اني الحمدلله كل شي عندي اوك الدم والدورة ووقتها وكل شي زين لكن مادري ليش جي مافي اكل او مشروب معين يطرد هالمشكلة حتى قبل ما انام ابي اتوضا عسب انام على وضوء ويكون زين وعقب يبطل الوضوء بسبب الغازات مليت صراحة بس مب كل يوم يعني يمكن 3 مرات بالاسبوع
وعندي مشكلة ثانية وهي انه بطني فيه امساك مادري شو اسوي فيه والمشكلة اني لما اقوم الصبح واجهز عمري للمدرسة وقريب بي الباص احس اني ابي اروح الحمام عشان هذاك الشي............ واتوهق وامسك عمري احيانا مادري احس بس الصبح اييني الحمام بالليل وبالبيت ما احس فيه ؟

مادري شوالسبب اكلي مب زين ولا شو ماعندكم فكرة بنات وحد صار له جي وعقب عرف يحل مشكلته ابي نصايح منكم ملييت والله :eh_s(16)::eh_s(16):
وابي اسماء العضوات اللي مجربة خلطاتهم بلييز عطوني اساميهم يمكن الاقي حل لمشاكلي الثانية وبدعي لكم بنات:eh_s(2)::eh_s(2):

الله يوفقكم ويسهل اموركم ويجيب دعواتكم بارك الله فيكم اترياااكم بسرعة ردوا علي :yaaaaaarb::yaaaaaarb::yaaaaaarb: