احلى عيش وربيان بالجزر على طريقتي ناطع ولذيذ
المقادير ::
كيلو ربيان طري او مثلج غير مطبوخ 33 حبة تقريبا
2 كوب رز بسمتي مغسول ومنقع 45 دقيقة
1 كوب بصل مفروم
1 ملعقة ثوم مهروس + 1 ملعقة زنجبيل مهروس
1 كوب جزر مبشور + نصف كوب كزبرة مفرومة
1 فلفل احمر علوب مقطع مكعبات
1 مكعب ماجي الخضار ،،
1 ملعقة شاي (( كركم ، دارسين ، بهار مشكل ، ملح ))
2 لومي اسود صحيح
3 ورق غار
3 ورق كاري
الطريقة ::
نحط بالجدر 1 ملعقة سمن او 3 ملاعق زيت ذرة
نحط البصل والثوم و الزنجبيل ونشوحهم دقيقتين بعدها نضيف الربيان و ونحركة دقيقتين لما تطير زفرته
وبعدها نحط البهارات مع مكعب الخضار ونحرك لمدة 5 دقايق ،، وبعدها نضيف الجزر والفلفل ونحركهم دقيقتين و نضيف الكزبرة ،، نحط العيش فوقهم ونحركه بحذر لمدة دقيقتين و بعدها نعلي النار و نصب فوقهم ماي مغلي بارتفاع 1سم فوق الرز ونخليه يغلي لمدة 3 دقايق و بعدها نوطّي النار و نغطي الجدر ب ورق المنيوم "قصدير" ونخليه 45 دقيقه ونقدمه ،،
"اختياري" نزينه ب بصل مقلي وكزبرة وبصل اخضر وبالعافية
